2 Tikhronike 36:13 - Siswati 1996 Bible

¹³ Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

2 Tikhronike 36:13 ပူးပေါင်းရင်းမြစ်များ

2 Samuweli 21:2

Inkhosi Davide yabita emaGibeyoni kutsi ete kuye. EmaGibeyoni phela abengesiyo incenye yema-Israyeli, kodvwa bekungimitfonselana nje yema-Amori leyayisele. Baka-Israyeli babefungile batsi batawayekela aphile, kodvwa Sawula ngenca yekushisekela kwakhe ngesive saka-Israyeli nesakaJuda, abetama kuwacedza.

2 Emakhosi 17:4

Kodvwa inkhosi yase-Asiriya yase iyatfola kutsi Hosheya abelimbuka, ngobe abetfumele emancusa eSayisi kuyo inkhosi yaseGibhithe, wangabe asatsela kulenkhosi yase-Asiriya, njengobe bekenta iminyaka ngeminyaka. Ngako-ke Shalmaneseri wambamba, wamvalela ejele.

2 Emakhosi 24:20

Kwabangelwa yintfukutselo yaSimakadze lokutsi loku kwenteke eJerusalema nakaJuda, kwaze kwatsi ekugcineni wabesusa ebukhoneni bakhe. Sedekiya wase uyayivukela inkhosi yaseBhabhulona.

2 Tikhronike 24:19

Kwala nome Nkulunkulu asatfumela baphrofethi kulesive sakhe basiyala kutsi sibuyele kuye, nome babebacwayisa ngetindlela letehlukene, kodvwa abazange babalalele.

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

2 Tikhronike 36:14

Ngetulu kwaloko bonkhe baholi bebaphristi nesive sonkhe sachubeka nekungetsembeki, balandzela yonkhe lemikhuba lenengekako yebetive, balingcolisa lithempeli laSimakadze labelingcwelisile eJerusalema.

Ezra 4:12

“Inkhosi kufanele yati kutsi lamaJuda lafike lapha, esuka lapho kuwe asaye eJerusalema kuyewulakha kabusha lelidolobha lelibi nalelihlubukako. Balwakha kabusha lubondza, kantsi nesisekelo bayasivusetela.

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

Tihlabelelo 15:4

Akamtsandzi losalahlwe nguNkulunkulu, kodvwa uyabatisa labesaba Simakadze. Wenta sifungo, asigcine, nome sekumatima.

Eksodusi 7:13

Inhlitiyo yaFaro yajinge yaba lukhuni, akazange abalalele, njengobe Simakadze abeshito.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:32

Kodvwa Faro waphindze wenta inhlitiyo yakhe yaba lukhuni, wangete wabavumela kutsi bahambe.

Eksodusi 9:17

Noko nanyalo seloku usatikhukhumeta ngetulu kwebantfu bami, awukabavumeli kutsi bakhululeke bahambe.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Jeremiya 43:2

Azariya, umsa waHoshaya, naJohanani, umsa waKhareya, nawo onkhe emadvodza labetibeka embili akhuluma kuJeremiya, atsi: “Unemanga! Simakadze longuNkulunkulu wetfu akakutfumi kutsi utewutsi: ‘Kufanele ningayi eGibhithe kuyawuhlala khona.’

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Zakhariya 7:12

Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

Numeri 30:3

“Nangabe intfombi lesesekhaya leyise yenta sincumo kuSimakadze nome yatibopha ngesetsembiso,

Dutheronomi 29:25

“Imphendvulo iyawutsi: ‘Kungobe lesive salahla sivumelwane saSimakadze, Nkulunkulu waboyisemkhulu, sivumelwane lasenta nabo ngesikhatsi abakhipha eGibhithe.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.

KumaHebheru 3:8

ningatenti tibe lukhuni tinhlitiyo tenu njengabokhokho benu labamelana naye ehlane.

Joshuwa 9:15

Joshuwa wavuma wase wenta sivumelwane sekuthula nawo sekutsi bawayekele aphile, nebaholi besive basicinisa ngekufunga.