2 Tikhronike 35:6 - Siswati 1996 Bible

⁶ Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

2 Tikhronike 35:6 ပူးပေါင်းရင်းမြစ်များ

Genesisi 35:2

Ngako-ke Jakobe wakhuluma emndenini wakhe nakubo bonkhe lababekakhe, watsi: “Lahlani tonkhe tithico tebetive leninato, nitihlambulule, nembatse tingubo letihlobile.

1 Tikhronike 15:12

Wakhuluma kubo watsi: “Nine nibaholi bemindeni yemaLevi. Ngini nalamanye emaLevi lekufanele nitihlambulule nibe ngcwele, bese niletsa lelibhokisi lesivumelwane saSimakadze, Nkulunkulu wema-Israyeli, nilimikise kulendzawo lesengiyilungiselele lona.

2 Tikhronike 29:15

Lamadvodza atsi kube ahlanganise ndzawonye bomnakabo atingcwelisa, ase ayangena ayawuhlambulula lithempeli laSimakadze, njengobe inkhosi yayiyalile, ngekulandzela livi laSimakadze.

2 Tikhronike 29:34

Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.

2 Tikhronike 29:5

watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.

2 Tikhronike 30:3

Babehlulekile kuligubha ngetikhatsi talo ngembili kwaloko, ngobe babengakeneli baphristi lababetingcwelisile, kantsi nebantfu babesengakahlangani ndzawonye eJerusalema.

2 Tikhronike 35:1

Josaya wagubha umkhosi weliPhasika kuSimakadze eJerusalema, liwundlu leliPhasika lahlatjwa ngelilanga leli-14 lenyanga yekucala.

2 Tikhronike 35:11

Emawundlu eliPhasika ahlatjwa-ke, baphristi bafafata ngalengati lababenikwe yona, ngaleso sikhatsi emaLevi abehlinza letilwane.

2 Tikhronike 35:7

Josaya walungisela bonkhe bantfu labebalapho, luntfu nje, timvu netimbuti letatiti-30 000, wabalungiselela iminikelo yeliPhasika kanye netinkhomo letatiti-3 000, konkhe kutsetfwe kukwenkhosi.

2 Tikhronike 5:11

Baphristi-ke base bayaphuma endzaweni lengcwele. Bonkhe baphristi labebalapho babetingcwelisile ngalokufananako nome nje babeticheme letehlukene.

Jobe 1:5

Bekutsi kungendlula lesikhatsi semadzili, bese Jobe utfumela kubantfwabakhe abahlambulule. Abevuka ekuseni ngetingweti abentele bonkhe umnikelo wekushiswa ngekwelinani labo, acabanga atsi: “Mhlawumbe bantfwabami bonile bacalekisa Nkulunkulu etinhlitiyweni tabo.” Lona bekungumkhuba waJobe, labewenta njalo nje.

Tihlabelelo 51:7

Ngihlambulule ngehisophu, ngitewuhlambuluka. Ngigeze ngibe mhlophe kunangcocwane.

Eksodusi 12:6

Niyawuligcina kuze kube lilanga leli-14 kuyo lenyanga kusihlwa, mhlazana sonkhe sive sema-Israyeli sitawahlaba lamazinyane.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:15

Mosi wakhuluma kubantfu watsi: “Tilungiseleleni lilanga langemhlomunye, ningalali nalomsikati.”

Joweli 2:16

Hlanganisani sive sibe ndzawonye, niwungcwelise lowo mhlangano; hlanganisani baholi, nihlanganise nebantfwana, yebo, ngisho nalabamunyako imbala. Umkhwenyane akashiye indlu yakhe, namakoti ashiye indlu yakhe.