2 Tikhronike 35:23 - Siswati 1996 Bible

²³ Banembi bahlaba inkhosi Josaya, watjela tindvuna takhe watsi: “Ngikhipheni, sengilimele kabi.”

2 Tikhronike 35:23 ပူးပေါင်းရင်းမြစ်များ

Genesisi 49:23

Titsa takhe timhlasela ngalokwesabekako, timcoshe ngebutjoki nangemicibisholo.

1 Emakhosi 22:34

Kodvwa lomunye wantsala butjoki bakhe wajijimeta, kwagwazeka Ahabi, inkhosi yaka-Israyeli, emahlanganweni etembatfo takhe tensimbi letatimvikela. Inkhosi Ahabi wakhuluma kuloloshayela incola yakhe yemphi, watsi: “Jikisa incola, ungikhiphe lapha emphini. Sengilimele.”

2 Emakhosi 8:29

ngako inkhosi Joramu yancandzeka yabuyela eJezreyeli yayawuphotisa khona lamanceba leyayiwahlatjwe ngemaSiriya, eRamothi, emphini yakhe naHazayeli, inkhosi yemaSiriya. Ahaziya-ke, umsa waJehoramu, inkhosi yakaJuda, wase uyehla waya eJezreyeli ayawuvusela Joramu, umsa wa-Ahabi, njengobe abegwaziwe anemanceba.

2 Emakhosi 9:24

Jehu wase unsala butjoki bakhe wamjijimeta, umcibisholo wangena emhlabankhomo, wadzabula inhlitiyo ekhatsi, Joramu wadzilika encoleni yakhe.

2 Tikhronike 18:33

Kodvwa lomunye wantsala butjoki bakhe wajijimeta, kwagwazeka Ahabi, inkhosi yaka-Israyeli, emahlanganweni etembatfo takhe tensimbi letatimvikela. Inkhosi Ahabi wakhuluma kuloloshayela incola yakhe yemphi, watsi: “Jikisa incola, ungikhiphe lapha emkhatsini wemabutfo. Sengilimele.”

2 Tikhronike 35:22

Kodvwa Josaya akazange afune kugucuka, wesuka watigucula tembatfo takhe wangena emphini, walwa naye. Akazange alalele loko lokwakushiwo nguNekho ngekuyalwa nguNkulunkulu, kodvwa wachubeka wayakulwa naye emphini yaseMegido.

2 Tikhronike 35:24

Ngako tamsusa encoleni yakhe yemphi, tambeka kulenye incola yemphi labete nayo, tambuyisela ekhaya eJerusalema, lapho afike wakhotsamela khona. Wafihlwa emadlizeni aboyisemkhulu, sonkhe sive sakaJuda nesaseJerusalema salila kakhulu ngaye.

Sililo 3:13

Ugwaze inhlitiyo yami ngemicibisholo yasengculwini yakhe.