2 Tikhronike 35:17 - Siswati 1996 Bible

¹⁷ Ema-Israyeli labekhona lapho agubha leliPhasika ngaleso sikhatsi, awugubha neMkhosi weSinkhwa Lesingenamvubelo, kwaze kwaphela emalanga lasikhombisa.

2 Tikhronike 35:17 ပူးပေါင်းရင်းမြစ်များ

Dutheronomi 16:8

Niyawudla sinkhwa lesite imbiliso kuze kuphele emalanga lasitfupha, bese kutsi ngelilanga lesikhombisa nente umhlangano kuSimakadze Nkulunkulu wenu, ningatsintsi lutfo lolungumsebenti.”

Eksodusi 34:18

“Ubowugcina uwugubhe uMkhosi Wesinkhwa Lesingenambiliso. Uyakudla sinkhwa lesite imbiliso emalanga lasikhombisa njengobe ngakuyala. Ubokwenta kusukela kulelo langa lelimisiwe ngenyanga ya-Abibi, lenaphuma ngayo eveni laseGibhithe.

Eksodusi 23:15

Ubogubha uMkhosi Wesinkhwa Lesingenambiliso. Ngenyanga lengu-Abibi, lenaphuma ngayo eGibhithe, uyakudla sinkhwa lesingenambiliso kuze kuphele emalanga lasikhombisa, njengobe ngakuyala. Kufanele kubete lovela embikwami angakaphatsi lutfo etandleni.

Eksodusi 12:1

Simakadze wakhuluma kuMosi naku-Aroni baseseGibhithe, watsi:

2 Tikhronike 35:16

Ngako-ke ngalelo langa yonkhe inkonzo yaSimakadze yekugubha umkhosi weliPhasika yachubeka, kwakunikelwa iminikelo yekushiswa etikwelilati laSimakadze, njengobe inkhosi Josaya abeshito.