2 Tikhronike 34:14 - Siswati 1996 Bible

¹⁴ Batsi basatfutsetela bakhipha lemali leyayiletfwe ethempelini laSimakadze, Hilkiya, umPhristi Lomkhulu, watfola incwadzi yemtsetfo waSimakadze leyanikwa ema-Israyeli ngaMosi.

2 Tikhronike 34:14 ပူးပေါင်းရင်းမြစ်များ

2 Emakhosi 18:18

Befika lapho babita inkhosi, kwaphuma bo-Eliyakimu, umsa waHilkiya, indvuna yesigodlo, naShebna labengumabhalane, naJowa, umsa wa-Asafa, umbhalisi, baya kubo.

2 Tikhronike 12:1

Watsi kube Rehobowamu atinte ebukhosini acine, yena nema-Israyeli onkhe bawulahla umtsetfo waSimakadze.

2 Tikhronike 31:4

Watjela bantfu lababehlala eJerusalema kutsi abaletse leso sabelo lesasifanele baphristi nemaLevi, kuze batinikele ngalokuphelele emtsetfweni waSimakadze.

2 Tikhronike 34:15

Hilkiya wakhuluma kuShafani, labengumabhalane, watsi: “Ngiyitfolile incwadzi yemtsetfo ekhatsi ethempelini laSimakadze.” Wase uyinika Shafani.

2 Tikhronike 34:9

Bahamba baya kuHilkiya, umPhristi Lomkhulu, bafike bamnika lemali leyayiletfwe ethempelini laNkulunkulu, leyayicocwe ngemaLevi labebomahlalesangweni, labeyibutse kubantfu bakaManase nebaka-Efrayimu, nakuyo yonkhe imisalela yaka-Israyeli, neyakaJuda, neyakaBhenjamini, kanye nakubo bonkhe lababehlala eJerusalema.

2 Tikhronike 35:26

Leminye imininingwane ngekuma kwaJosaya nemisebenti yakhe yekutinikela macondzana nalokubhalwe encwadzini yemtsetfo waSimakadze,

Ezra 7:10

Ngobe Ezra abetinikelele kuhlolisisa nekwenta lokungumtsetfo waSimakadze kanye nekufundzisa ema-Israyeli timiso nemiyalo yawo.

Tihlabelelo 1:2

Kodvwa kujabula kwakhe kusemtsetfweni waSimakadze, uyacabanga azindle ngawo imini nebusuku.

Isaya 30:9

Babantfu labahlubukako, bantfwana labanemanga, nalabangafuni kulalela imiyalo yaSimakadze.

Isaya 5:24

Ngako-ke, njengobe lulwimi lwemlilo lukhotsa tibi, nanjengobe tjani lobomile bushona phansi, nabushiswa ngemalangabi, kanjalo timphandze tabo tiyawubola, netimbali tabo tiphephuke njengelutfuli; ngobe bawalile umtsetfo waSimakadze longuSomandla, bedzelela livi laLongcwele waka-Israyeli.

Jeremiya 8:8

“ ‘Ningasho kanjani kutsi: “Sihlakaniphile tsine, ngobe sinemtsetfo waSimakadze,” ibe kantsi lutsi lwemanga lwebabhali lukucobele phansi lokungemanga?

Levithikusi 10:11

Kufanele nifundzise sive sema-Israyeli yonkhe imitsetfo Simakadze lasinike yona ngaMosi.”

Levithikusi 26:46

Leti-ke timiso, nemiyalo, nemitsetfo Simakadze layenta entsabeni yaseSinayi emkhatsini wakhe nesive sema-Israyeli ngesandla saMosi.

Levithikusi 8:36

Ngako-ke bo-Aroni nemadvodzana akhe bakwenta konkhe Simakadze labekukhulume ngaMosi kutsi bakwente.

Lukha 2:39

Batsi kube bacedze kwenta konkhe lababefanele kukwenta ngekwemtsetfo weNkhosi, base bayancandzeka babuyela edolobheni lakubo iNazaretha eGalile.

Joshuwa 1:8

Emavi alencwadzi yemtsetfo angesuki emlonyeni wakho; uyawucabangisisa ujule kuwo busuku nemini, kuze ukhone kukwenta konkhe loku lokubhalwe kuwo; khona-ke uyawuphumelela kube kuhle kuwe.