2 Tikhronike 34:13 - Siswati 1996 Bible

¹³ wona abeluse laba labasebentako, engamele tonkhe tisebenti kusuka kulomsebenti kuye kulowa. Lamanye emaLevi abebomabhalane, nebabhali, nabomahlalesangweni.

2 Tikhronike 34:13 ပူးပေါင်းရင်းမြစ်များ

2 Emakhosi 7:10

Ngako ase ayahamba ayawubikela tindvuna letibomahlalesangweni belidolobha, atsi: “Singene lapha enkambu yemaSiriya, sakhandza kukhala libhungane, kungekho muntfu, ngaphandle kwemahhashi lakhungiwe, netimbongolo letikhungiwe, nemathende asele anjengobe anjalo.”

1 Tikhronike 15:18

kwatsi emvakwabo kwalandzela bomnakabo: boZakhariya, naJaziyeli, naShemiramothi, naJehiyeli, na-Uni, na-Eliyabe, naBhenaya, naMaseya, naMathithiya, na-Elifelehu, naMikneya, na-Obedi Edomu kanye naJeyiyeli, bomahlalesangweni.

1 Tikhronike 16:38

Waphindze washiya bo-Obedi Edomu kanye nalamadvodza labengema-68 labebambisene nawo ekukhonteni. Bo-Obedi Edomu, umsa waJeduthuni, naHosa babebomahlalesangweni.

1 Tikhronike 16:42

BoHemani naJeduthuni bona umsebenti wabo bekukushaya emacilongo, nemasimbali kanye nekudlala letinye tingubhu tekuhlabela ingoma lengcwele yekudvumisa. Emadvodzana aJeduthuni wona abema esangweni.

1 Tikhronike 9:17

Bomahlalesangweni belithempeli lababehlala eJerusalema bekuboShalumi, na-Akhubi, naThalmoni, na-Ahimani kanye nabomnakabo. Shalumi abengumholi wabo.

2 Tikhronike 19:11

“Amariya, umPhristi Lomkhulu, nguye lotanengamela nonkhe kunome yini lephatselene naSimakadze, bese kutsi Zebadiya, umsa wa-Ishmayeli, umholi wesive sakaJuda, anengamele kunome yini lemacondzana nenkhosi. EmaLevi wona umsebenti wawo kutakuba kubukisisa kufezeka kwetincumo tonkhe. Banini nesibindzi, shangatsi naSimakadze angaba nalabo labenta lokuhle.”

2 Tikhronike 2:10

Ngitawunika tisebenti takakho, lamadvodza latawugawula letingodvo, kolo losiliwe longemathani langaba ti-2 000, nebhali lengemathani langaba ti-2 000, neliwayini lelingemalitha langaba ti-400 000, nemafutsa emncumo langemalitha langaba ti-400 000.”

2 Tikhronike 2:18

Wase ukhetsa labati-70 000 kubo kutsi babe betfwali, nalabati-80 000 kutsi babe babati bematje etintsabeni, nalabati-3 600 kutsi babe tindvuna tabo.

2 Tikhronike 8:10

Lamanye abe tindvuna letinkhulu taSolomoni letatingema-250, letatingutona teluse lamadvodza akhe.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Nehemiya 4:10

Bantfu bakaJuda batsi: “Emandla alaba labakhako asayaphela, kantsi kusenemfuhlululu lenyenti kakhulu, singeke sikhone kuluvusa kabusha lolubondza.”

Jeremiya 8:8

“ ‘Ningasho kanjani kutsi: “Sihlakaniphile tsine, ngobe sinemtsetfo waSimakadze,” ibe kantsi lutsi lwemanga lwebabhali lukucobele phansi lokungemanga?

Matewu 26:3

Baphristi labakhulu netibondza temaJuda babutsana esigodlweni sakaKhayafase, umPhristi Lomkhulu,