2 Tikhronike 33:3 - Siswati 1996 Bible

³ Wavusa kabusha tindzawo letiphakeme tekukhontela tithico, letatibhidlitwe nguyise Hezekiya, waphindze wakha emalati aBhali, wamisa netinsika ta-Ashera. Wakhotsama wakhonta tonkhe tinkhanyeti tesibhakabhaka.

2 Tikhronike 33:3 ပူးပေါင်းရင်းမြစ်များ

1 Emakhosi 14:23

Batakhela tindzawo letiphakeme tekukhonta tithico, netinsikamatje tato lekwakutsiwa tingcwele kanye netinsika ta-Ashera eticongweni tato tonkhe tintsaba letiphakeme nangaphansi kwato tonkhe tihlahla letendlala emagala ato.

2 Emakhosi 18:4

Wadzilita tindzawo letiphakeme tekukhontela tithico, wabhidlita tithicomatje, wagawula tinsika tabo-Ashera, waphahlata inyoka yelitfusi leyayakhiwe nguMosi, ngobe kwaze kwaba ngungaleso sikhatsi solomane ema-Israyeli atfuncisa imphepho kuyo, kwakutsiwa nguNehushtani libito layo.

2 Emakhosi 21:3

Wavusa kabusha tindzawo letiphakeme tekukhontela tithico, letatibhidlitwe nguyise Hezekiya. Waphindze wakha emalati aBhali, wakha nensika ya-Ashera, njengobe na-Ahabi, inkhosi yaka-Israyeli, abentile. Wakhotsama wakhonta tonkhe tinkhanyeti tesibhakabhaka.

2 Emakhosi 23:11

Titfombe temahhashi, emakhosi akaJuda labenikele ngato elangeni, watisusa emnyango welithempelini laSimakadze. Betibekwe ngekhatsi esibuyeni eceleni kwelikamelo lemphatsi lekwakutsiwa nguNathani Meleki. Josaya watishisa naletincola letatinikelwe elangeni.

2 Emakhosi 23:4

Inkhosi yatjela Hilkiya, umPhristi Lomkhulu, nebaphristi labebangaphansi kwakhe kanye nabomahlalesangweni kutsi bakhiphe ethempelini laSimakadze konkhe lokwakwentelwe Bhali na-Ashera, nako konkhe lokwakwentelwe tonkhe tinkhulungwane tetinkhanyeti. Wakushisela ngaphandle kweJerusalema etikhotseni letigudla iKhidroni, wase utsatsa lomlotsa uwumikisa eBetheli.

2 Tikhronike 28:24

Ahazi wabutsela ndzawonye tonkhe timphahla ethempelini laNkulunkulu watitsatsa watihambisa. Wavala iminyango yelithempeli laSimakadze, wakha emalati kuwo onkhe emakona etitaladi eJerusalema.

2 Tikhronike 30:14

Besusa emalati eJerusalema, besusa emalati emphepho bawajikijela eSigodzini saseKhidroni.

2 Tikhronike 31:1

Kwatsi kube kuphele konkhe loko, ema-Israyeli labekhona lapho aphumela kuwo onkhe emadolobha akaJuda, abhidlita ematje lekwakutsiwa angcwele, agawula naletinsika ta-Ashera, atilahla phansi. Abhubhisa naletindzawo letiphakeme tekukhontela tithico kanye nemalati kulo lonkhe lakaJuda nelakaBhenjamini, nelaka-Efrayimu kanye nelakaManase. Kwatsi nase bakubhubhise konkhe loko baka-Israyeli, base babuyela bonkhe emadolobheni abo nasemafeni abo.

2 Tikhronike 32:12

Akusiye yini Hezekiya lona lowasusa letindzawo letiphakeme tekukhontela loNkulunkulu kanye nemalati akhe, atsi kubakaJuda nebaseJerusalema: ‘Kufanele nikhotsame kulinye lilati, nishisele kulo imphepho’?

2 Tikhronike 33:15

Watisusa tonkhe tithico tebetive, wesusa nalesitfombe labesibeke ethempelini laSimakadze, kanye nawo onkhe lamalati labesawakhe entsabeni yelithempeli naseJerusalema; konkhe wakulahlela ngaphandle kwelidolobha.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 34:25

Njengobe bangishiyile mine, batfuncisa imphepho kulabanye bonkulunkulu, bangitfukutselisa ngato tonkhe letithico labatibumbe ngetandla tabo, intfukutselo yami itawutfululelwa kulendzawo, futsi ingeke icisheke.’

Eksodusi 34:13

Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

Umshumayeli 2:19

Empeleni ngubani lowatiko kutsi utawuba sihlakaniphi yini nome utawuba silima? Noko kutawuba nguye lotakwengamela tonkhe titselo temsebenti wami netebungcweti bami lapha ngaphansi kwemtfunti welilanga. Nako loko kulite.

Umshumayeli 9:18

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Jeremiya 17:2

Ngisho nebantfwababo bakhumbula emalati abo netinsika tabo-Ashera, eceleni kwetihlahla letendlala emagala ato, nasemagcumeni laphakeme,

Jeremiya 19:13

Emakhaya laseJerusalema nalawo emakhosi akaJuda, ayawungcola njengalendzawo, iThofethi, yebo, tonkhe tindlu lapho batfuncisele khona imphepho eluphahleni, batfuncisela emabutfo etinkhanyeti tasemazulwini, batfulula iminikelo yetinatfo kulabanye bonkulunkulu!’ ”

Jeremiya 7:30

“ ‘Sive sakaJuda sente bubi emehlweni ami, kusho Simakadze. Bagcumeke tithico tabo letitinengiso endlini lebitwa ngeLibito lami, bayingcolisa.

Jeremiya 8:2

Ayawukwenekwa elangeni, nasenyangeni, nakuto tonkhe tinkhanyeti tasemazulwini lababekutsandzile, bakusebentela, bakulandzela, bakufuna, bakukhotsamela. Akayiwubutfwa futsi akayiwungcwatjwa, kodvwa ayawuba njengemfucuta yetibi lelahlwe emhlabatsini.

Zefaniya 1:5

nalabo labakhotsama etulu etingcongwaneni tetindlu bakhonte tinkhanyeti telizulu, nalabo labakhotsama bafunge batsi batakwetsembeka kuSimakadze baphindze bafunge nangaMoloki

Imisebenti yebaPhostoli 7:42

Kodvwa Nkulunkulu wabashiya basale bakhonta tinkhanyeti tasezulwini, njengobe kubhaliwe encwadzini yebaphrofethi kutsi: “ ‘Bantfu baka-Israyeli! Kwakungimi yini lona lenamhlabela imihlatjelo yetilwane, iminyaka lengema-40 ehlane?

Dutheronomi 16:21

“Aniyikumisa ngisho nayinye insika ya-Ashera welugodvo eceleni kwelilati lenilakhele Simakadze Nkulunkulu wenu,

Dutheronomi 17:3

ngekukhonta nangekunikela kulabanye bonkulunkulu, ngekukhotsama kubo, nome elangeni, nome enyangeni, nome etinkhanyetini tesibhakabhaka, lekuyintfo lephambene nemiyalo yami,

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.