2 Tikhronike 33:19 - Siswati 1996 Bible

¹⁹ Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 33:19 ပူးပေါင်းရင်းမြစ်များ

2 Tikhronike 30:11

Noko, lamanye emadvodza aka-Asheri, newakaManase, newakaZebuloni atitfoba aya eJerusalema.

2 Tikhronike 33:20

Manase wase uyakhotsama, wafihlwa esigodlweni sakhe. Amoni, umsa wakhe, wase uba yinkhosi esikhundleni sakhe.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

2 Tikhronike 36:12

Wenta lokubi emehlweni aSimakadze Nkulunkulu wakhe, wangete watitfoba embikwaJeremiya, umphrofethi, lowakhuluma livi laSimakadze.

Tihlabelelo 119:67

Lokwa ngisengakahlupheki ngenca yekushaywa kwami, ngangivamise kweduka, manje sengiyaligcina livi lakho.

Tihlabelelo 119:71

Kwaba kuhle kutsi ngihlushwe kuze ngifundze timiso takho.

Tihlabelelo 119:75

Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.

Eksodusi 34:13

Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

Taga 15:8

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 44:10

Kuze kube ngulamuhla basengakatitfobi nome bakhombise inhlonipho, futsi abakaze bawulandzele umtsetfo wami netimiso tami lengatimisa embikwenu naboyihlo.

Sililo 3:56

Wakuva kuncusa kwami: “Ungativali tindlebe takho ekukhaleni kwami; ngicela kuphunyutwa.”

Danyela 5:22

“Kodvwa wena ndvodzana yakhe, Bhelshasari, awukatitfobi, lite nome bewukwati konkhe loku.

Imisebenti yebaPhostoli 9:11

INkhosi yatsi kuye: “Tilungiselele kuhamba uye eSitaladini Lesicondzile, endlini yaJudasi ucele indvodza yaseThasusi libito layo nguSawula. Uyathandaza.

KubaseRoma 5:16

Kukhona umehluko emkhatsini wesipho saNkulunkulu nemphumela wesono salowo muntfu munye: Nganhlanye kunesehlulelo ngenca yesono sinye kube kubhujiswa; nganhlanye kunesipho saNkulunkulu semusa lesisusa tono letinyenti kube kulunga lokwemukeleka kuNkulunkulu.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.