2 Tikhronike 33:16 - Siswati 1996 Bible

¹⁶ Wabe sewubuyisela lilati laSimakadze, wenta nemhlatjelo webudlelwane nemnikelo wekubonga etikwalo, watjela sonkhe sive sakaJuda kutsi asikhonte Simakadze, Nkulunkulu wema-Israyeli.

2 Tikhronike 33:16 ပူးပေါင်းရင်းမြစ်များ

Genesisi 18:19

Cha, ngeke, ngobe Abrahama ngimkhetsile kutsi ayale emadvodzana akhe netitukulwane takhe emvakwakhe, kutsi bagcine intsandvo yaSimakadze ngekwenta lokuhle nalokulungile. Khona-ke Simakadze uyawunika Abrahama loko lametsembisa kona.”

1 Emakhosi 18:30

Elija wabe sewukhuluma kuso sonkhe sive, watsi: “Wotani lapha kimi.” Beta kuye, wabe sewulungisa lilati laSimakadze lelase libhidlikile.

2 Tikhronike 14:3

Wesusa onkhe emalati etive kanye netindzawo letiphakeme, wabhidlita nematje lababetsi angcwele, wagawula netinsika ta-Ashera.

2 Tikhronike 14:4

Wayala sonkhe sive sakaJuda kutsi sifunisise Simakadze, Nkulunkulu waboyise, nekutsi silalele imitsetfo nemiyalo yakhe.

2 Tikhronike 29:18

Base bangena ngekhatsi enkhosini Hezekiya, bafike babika batsi: “Silingcwelise lonkhe lithempeli laSimakadze, nelilati lemnikelo wekushiswa, nato tonkhe titja talo, nelitafula lekubeka sinkhwa lesingcwele, nato tonkhe timphahla letihambisana nalo.

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

2 Tikhronike 33:9

Kodvwa Manase wabedukisa bantfu bakaJuda nebaseJerusalema, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”