2 Tikhronike 33:12 - Siswati 1996 Bible

¹² Manase wafunisisa Simakadze asasekuhluphekeni, wafuna lusito lwaSimakadze Nkulunkulu wakhe, watitfoba kakhulu embikwaNkulunkulu waboyisemkhulu.

2 Tikhronike 33:12 ပူးပေါင်းရင်းမြစ်များ

2 Tikhronike 12:7

Watsi kube Simakadze abone kutsi bayatitfoba, livi laSimakadze lefika kuShemaya, latsi: “Njengobe naku sebatitfobile, ngingeke ngisababhubhisa, kodvwa ngitawusheshe ngibaphe inkhululeko. Intfukutselo yami ngingeke ngisayitfululela etikweJerusalema ngaShishaki.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 15:4

Kodvwa ekuhluphekeni kwabo bancandzeka babuyela kuSimakadze, Nkulunkulu wema-Israyeli, bamfuna bamtfola.

2 Tikhronike 28:22

Ahazi akazange etsembeke ngisho nakancane nje kuSimakadze ngesikhatsi sekuhlupheka kwakhe.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

2 Tikhronike 32:26

Hezekiya wase uyaphendvuka kulokutiphakamisa kwenhlitiyo yakhe, njengaloku kwenta bantfu baseJerusalema; ngaloko lulaka lwaSimakadze lwangabe lusehlela etikwabo ngesikhatsi saHezekiya.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Tihlabelelo 118:5

Ngakhala kuSimakadze ngiselusizini lwami, yena wangiphendvula ngekungikhulula.

Tihlabelelo 120:1

Nangisekuhluphekeni, ngiyakhala kuSimakadze, yena angiphendvule.

Tihlabelelo 130:1

Nangisekujuleni kwetinhlupheko, ngikhala kuwe, Simakadze.

Tihlabelelo 130:2

Vani kukhala kwami, Simakadze, ngive nangicela lusito kuwe.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Eksodusi 10:3

Ngako-ke boMosi na-Aroni bahamba baya kuFaro, bafike kuye batsi: “Simakadze, longuNkulunkulu wemaHebheru, utsi: ‘Kutawuze kube ngunini seloku wala kutitfoba kimi? Khulula bantfu bami bahambe, khona batewungikhonta.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Jeremiya 36:7

Mhlawumbe bayawutincengela embikwaSimakadze, ngulowo nalowo aphendvuke endleleni yakhe lembi, ngobe lulaka nentfukutselo lasayibekile Simakadze kumelana nalabantfu yinkhulu kakhulu.”

Danyela 4:36

“Ngasona leso sikhatsi lekwabuyiselwa ngaso kusanguluka kwengcondvo yami, kuhlonishwa kwami neludvumo lwami kwabuyiselwa kimi, kwaba ludvumo lwembuso wami. Beluleki bami netikhulu tami bangifunisisa bangibuyisela esihlalweni sami sebukhosi, ngaba ngulomkhulu kakhulu kwendlula kucala.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Jona 2:2

“Ekuhluphekeni kwami ngakhala kuwe, Simakadze, wangiphendvula; ngamemeta ngisematfunjini emhlaba, ngicela lusito, wena waliva livi lami.

Mikha 6:9

Kuhlakanipha kumesaba Simakadze. Uyamemeta edolobheni utsi: “Lalelani nine bantfu lenibutsana edolobheni!

Imisebenti yebaPhostoli 9:11

INkhosi yatsi kuye: “Tilungiselele kuhamba uye eSitaladini Lesicondzile, endlini yaJudasi ucele indvodza yaseThasusi libito layo nguSawula. Uyathandaza.

YaJakobe 4:10

Titfobeni embikweNkhosi, yona-ke iyawuniphakamisa.