2 Tikhronike 32:23 - Siswati 1996 Bible

²³ Labanyenti bantfu beta baletsa iminikelo yaSimakadze eJerusalema, netipho letinelinani lelikhulu baliletsa kuHezekiya, inkhosi yakaJuda. Kusukela ngaleso sikhatsi wahlonishwa kakhulu kuto tonkhe tive.

2 Tikhronike 32:23 ပူးပေါင်းရင်းမြစ်များ

1 Emakhosi 10:10

Indlovukazi yase ipha inkhosi Solomoni igolide leyayingemakhilogremu labengaba ti-4 000, nemidlidlimba yetinandzisi kanye nematje laligugu. Akuzange kuphindze kufike tinandzisi letase taba tinyenti kwendlula leto letake tetfulwa yindlovukazi yaseSheba enkhosini Solomoni.

1 Emakhosi 10:25

Umnyaka ngemnyaka, wonkhe labeta kuye abefika nesipho: tintfo letentiwe ngesiliva, nangegolide, nemijiva, netikhali, netinandzisi, nemahhashi kanye neminyuzi.

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

2 Emakhosi 19:30

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

1 Tikhronike 29:25

Simakadze waphakamisa Solomoni kakhulu embikwema-Israyeli onkhe, wametfwesa bukhosi lobukhulu, kute ngisho nayinye inkhosi leyase yaba nabo ngembili kwakhe.

2 Tikhronike 1:1

Solomoni, umsa waDavide, watimisela umbuso locinile, ngobe Simakadze Nkulunkulu wakhe abenaye, wamenta waba mkhulu kakhulu.

2 Tikhronike 17:11

Lamanye emaFilisti aletsa kuJehoshafati tipho nesiliva lekwakutetfulo; ema-Arabu amupha imihlambi yetihhanca letatiti-7 700, netimbuti letatiti-7 700.

2 Tikhronike 17:5

Simakadze watintisa umbuso ngaphansi kwesandla sakhe; bonkhe bakaJuda baletsa tipho kuJehoshafati, kangangekutsi wanjinga kakhulu waba neludvumo.

2 Tikhronike 9:24

Umnyaka ngemnyaka, wonkhe labeta kuye abefika nesipho: tintfo letentiwe ngesiliva nangegolide, nemijiva, netikhali, netinandzisi, nemahhashi kanye neminyuzi.

Ezra 7:27

Ezra wakhuluma watsi: “Akadvunyiswe Simakadze, Nkulunkulu wabobabe, lokubekile enhlitiyweni yenkhosi kutsi kuhlonishwe indlu yaSimakadze eJerusalema ngalendlela,

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 76:11

Yentani tetsembiso netifungo tenu kuSimakadze longuNkulunkulu wenu, nitigcwalise. Bonkhe labasedvute naye abaletse tipho kulowo lofanele kwesatjwa.

Matewu 2:11

Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.