2 Tikhronike 32:19 - Siswati 1996 Bible

¹⁹ Bakhuluma kabi ngaNkulunkulu waseJerusalema, balingisa ngesikhatsi bakhuluma ngalabonkulunkulu baletinye tive temhlaba, labangumsebenti wetandla temuntfu.

2 Tikhronike 32:19 ပူးပေါင်းရင်းမြစ်များ

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

2 Emakhosi 19:18

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutigodvo nje nematje labatwe tandla tebantfu.

2 Tikhronike 32:20

Inkhosi Hezekiya ikanye nemphrofethi Isaya, umsa wa-Amose, bakhala kuNkulunkulu, bacela lusito lwakhe ngalendzaba.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

Tihlabelelo 74:18

Khumbula-ke, Simakadze, kutsi sitsa sikwetfukile sikuhlambalatile. Sive lesilibele silihlambalatile libito lakho.

Tihlabelelo 78:68

Kepha wakhetsa sive sakaJuda, iNtsaba iSiyoni, labeyitsandza kakhulu.

Isaya 14:32

“Sitawuphendvula sitsini kuletitfunywa letiphuma kulesive? Sitawusho, sitsi: Simakadze sewuyakhile yatinta iSiyoni, ngulapho sive sakhe lebesihlushwa sitawuphephela khona.”

Isaya 2:8

Live labo ligcwele tithico; bakhotsamela umsebenti wetandla tabo, loko lokwentiwe ngemino yabo.

Isaya 37:19

Bajikijele bonkulunkulu bato emlilweni, bababhubhisa, ngobe bebangesibo bonkulunkulu sibili, bekutingodvo nje nematje labatwe tandla tebantfu.

Jeremiya 1:16

Ngiyawukhipha tigwebo tami esiveni sami ngenca yabo bonkhe bubi baso: ngekungifulatsela kwaso, ngekutfuncisa imphepho kulabanye bonkulunkulu, nangekukhonta loko lokwentiwe tandla tabo.

Jeremiya 10:3

Ngobe emasiko etive akanamsebenti, bajuba sihlahla ehlatsini, bese kutsi umbati usibata ngelishizolo lakhe,

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Jeremiya 32:30

“Bantfu baka-Israyeli nebakaJuda kute labakwentile ngaphandle kwekwenta lokubi embikwami, kusukela ebusheni babo. Yebo, sive saka-Israyeli kute lesikwentile ngaphandle kwekungicunula ngaloko labakwente ngetandla tabo, kusho Simakadze.

Hezekeli 25:8

“Naku lokushiwo yiNkhosi Simakadze, itsi: ‘Njengobe boMowabi naSeyiri batsi: “Ase nibuke indlu yakaJuda seyigucuke yafanana nato tonkhe letinye tive,”

Hezekeli 35:13

Wangichoshela, wakhuluma kabi ngami ngaphandle kwekutibamba, ngakuva loko.

Dutheronomi 27:15

“ ‘Ucalekisiwe umuntfu lobata sitfombe nome ente sithico, intfo lesinengiso kuSimakadze, umsebenti wengcweti yetekubata ngetandla, akubeke ngasense endzaweni lesitsekile.’ “Bonkhe bantfu bayawuphendvula batsi: ‘Amen.’

Dutheronomi 4:28

Kuleto tive niyawukhonta tithico letentiwe bantfu ngetingodvo nangematje, letingaboni naletingeva, naletingadli, naletingakwati kunuka.

KumaHebheru 12:22

Kodvwa, esikhundleni saloko, nite entsabeni, Siyoni, ekhaya laNkulunkulu lophilako, eJerusalema yasezulwini, esibhimbini setingilosi letingenawubalwa,

1 Samuweli 17:36

Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.