2 Tikhronike 31:21 - Siswati 1996 Bible

²¹ Kuko konkhe lakwenta emsebentini welithempeli laNkulunkulu nekuhlonipha umtsetfo, nemiyalo, wafuna Nkulunkulu wakhe, asebenta ngayo yonkhe inhlitiyo yakhe. Ngako waphumelela.

2 Tikhronike 31:21 ပူးပေါင်းရင်းမြစ်များ

1 Emakhosi 2:4

kuze naSimakadze asigcine setsembiso sakhe lasenta kimi nakatsi: ‘Nangabe titukulwane takho ticaphelisisa kutsi tiphila njani, nangabe futsi tihamba ngekwetsembeka embikwami ngayo yonkhe inhlitiyo nangawo wonkhe umphefumulo wato, ungeke umeswele umuntfu loyawuhlala esihlalweni sebukhosi saka-Israyeli.’

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

1 Tikhronike 22:13

Ngaloko-ke uyawuphumelela, nawuticaphela wena unakekele tonkhe timiso nemitsetfo yaSimakadze layinike Mosi ngenca yema-Israyeli. Cina ube nesibindzi. Ungesabi, ungaphelelwa ngemandla.

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

2 Tikhronike 14:6

Wakha emadolobha latinqaba kulo lonkhe lakaJuda, njengobe live lalisenekuthula. Kute labehlaselana naye ngaleso sikhatsi, ngobe Simakadze abemuphe kuphumula.

2 Tikhronike 14:7

Wakhuluma nesive sonkhe sakaJuda, watsi: “Asiwakhe lamadolobha, sakhe netibondza letiwatungeletako, nemibhoshongo nemasango kanye nemicabo. Lelive kusengeletfu, ngobe siyentile intsandvo yaSimakadze Nkulunkulu wetfu. Simfunile, yena wase usipha kuthula yonkhe indzawo.” Ngako bavele bachubeka nekwakha, bachuma.

2 Tikhronike 20:26

Ngelilanga lesine bahlanganela eSihosheni saseBherakha, lapho badvumisa khona Simakadze. Nguko nje lendzawo yabeseyibitwa ngekutsi Sihosha saseBherakha kuze kube ngulamuhla.

2 Tikhronike 26:5

Wafuna Nkulunkulu ngemalanga ekuphila kwaZakhariya, lowamfundzisa kwesaba Nkulunkulu. Ngesikhatsi asafuna Simakadze, Nkulunkulu wamupha imphumelelo.

Tihlabelelo 119:2

Babusisiwe labo labagcina imiyalo yaSimakadze, bamfunisise ngayo yonkhe inhlitiyo yabo.

Taga 3:10

netincolobane takho tiyakugcwaliswa ngenala, imiphandza yakho iphuphume liwayini.

Taga 3:9

Dvumisa Simakadze ngalokuhle lonako nangetitselo tekucala tako konkhe lokulimile,

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Jeremiya 29:13

Niyakungifuna ningitfole, naningifunisisa ngayo yonkhe inhlitiyo yenu.

Matewu 6:33

Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.

Dutheronomi 10:12

“Manje-ke, ma-Israyeli, yini lokufunwa nguSimakadze Nkulunkulu wenu kini ngaphandle kwekutsi nesabe Simakadze Nkulunkulu wenu, nihambe etindleleni takhe tonkhe, nimtsandze nimkhonte Simakadze Nkulunkulu wenu ngenhlitiyo yenu yonkhe, nangemphefumulo wenu wonkhe,

Dutheronomi 29:9

Yilandzeleni ngekucophelela yonkhe lemininingwane yalesivumelwane, khona nitewuchuma ninotse kuko konkhe lenikwentako.

Dutheronomi 6:5

Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.