2 Tikhronike 30:8 - Siswati 1996 Bible

⁸ Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

2 Tikhronike 30:8 ပူးပေါင်းရင်းမြစ်များ

2 Emakhosi 23:26

Noko nome kunjalo, Simakadze akazange agucuke ekufutsekeni kwentfukutselo yakhe leyavutsela Juda ngenca yako konkhe Manase lakwenta kwamtfukutselisa.

1 Tikhronike 29:24

Tonkhe tiphatsimandla, nemachawe kanye nemadvodzana onkhe enkhosi Davide etsembisa kutfobela inkhosi Solomoni.

2 Tikhronike 28:11

Ase nilalele lapha kimi! Babuyiseleni emuva labomnakenu lesenibente tiboshwa, ngobe intfukutselo leyesabekako yaNkulunkulu isetikwenu.”

2 Tikhronike 28:13

Batsi: “Akukafaneli nite naletitfunjwa lapha, ngobe sitawutfolakala sinelicala kuSimakadze. Kungabe kambe nicondze kwengeta kulesono nakulelicala letfu? Empeleni licala letfu selivele likhulu, nentfukutselo yakhe leyesabekako seyisetikwa-Israyeli.”

2 Tikhronike 29:10

“Manje sengitimisele kwenta sivumelwane naSimakadze Nkulunkulu wema-Israyeli, kuze kutsi intfukutselo yakhe leyesabekako itewusuka lapha kitsi.

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

2 Tikhronike 6:5

‘Kusukela ngelilanga lengakhipha ngalo sive sami ema-Israyeli eveni laseGibhithe, angizange sengikhetse lidolobha kunome ngusiphi setive tema-Israyeli kutsi ngakhelwe lithempeli, lapho kutabohlala khona Libito lami, futsi angikakhetsi muntfu kutsi abe ngumholi wesive sami ema-Israyeli.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

2 Tikhronike 7:16

Lelithempeli ngilikhetsile ngalehlukanisela kutsi Libito lami sale lihlala lapha phakadze naphakadze. Emehlo ami nenhlitiyo yami sekuyawuhlala kulapho kulo ngaso sonkhe sikhatsi.

Ezra 10:14

Tindvuna tetfu atente lomsebenti esikhundleni salo lonkhe lelibandla. Kutawube sekutsi ngulowo nalowo kulamadolobha etfu loteke umfati wetive ete ngaleso sikhatsi lesibekiwe akanye nebaholi nebehluleli balelo dolobha, kuze kutsi intfukutselo leyesabekako yaNkulunkulu wetfu kulendzaba isuke kitsi.”

Ezra 10:19

Bonkhe bahlanganisa tandla tabo betsembisa kubacosha labo bafati babo; macondzana naleso sono sabo ngulowo nalowo wakhipha sihhanca, saba ngumnikelo welicala.

Tihlabelelo 63:2

Ngikubonile wena endzaweni yakho lengcwele, ngawabona emandla akho nebukhosi bakho.

Tihlabelelo 68:24

Yebo, Nkulunkulu! Tibonwa ngibo bonkhe letindvwendvwe takho, ticondze endlini lengcwele, tindvwendvwe taNkulunkulu wami, iNkhosi yami.

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Tihlabelelo 73:17

Ngaze ngangena endlini lengcwele yaNkulunkulu, lapho ngevisisa khona ngesiphetfo sabo.

Tihlabelelo 78:49

Watfukulula intfukutselo yakhe levutsako, lulaka, nentfukutselo, neluhlupho, nesishoshomane setitfunywa temashwa.

Eksodusi 32:9

Simakadze wachubeka wakhuluma kuMosi watsi: “Sengibabonile labantfu kutsi basive lesinentsamo lelukhuni.

Jeremiya 50:15

Hlabani umkhosi kuyo yonkhe indzawo! Iphakamisa tandla, imibhoshongo yayo iyawa, tibondza tayo tihhihlitelwa phansi. Njengobe loku kukuphindzisela kwaSimakadze, yikhipheleni sibhongo, yentani kuyo njengobe nayo yentile kulabanye.

Matewu 4:10

Jesu watsi kuye: “Suka, Sathane, ngobe kubhaliwe kutsi: “ ‘Ubokhonta iNkhosi, Nkulunkulu wakho, umkhotsamele yena yedvwa!’ ”

Johane 12:26

Lowo losikhonti sami akangilandzele, lapho ngikhona khona mine nesisebenti sami siyawuba khona. Losikhonti sami uyawutuswa nguBabe.”

KubaseRoma 10:21

Kodvwa nga-Israyeli utsi: “Lonkhe lilanga ngelulela tandla tami esiveni lesingalaleli nalesinenkhani.”

KubaseRoma 6:22

Kodvwa nyalo senikhululiwe esonweni, senitigcili taNkulunkulu; nitfola sitselo senu sekungcweliswa. Siphetfo saloko kuphila lokuphakadze.

Dutheronomi 10:16

Ngako-ke, sokani tinhlitiyo tenu, ningaphindzi nibe netinhloko letilukhuni.

Dutheronomi 6:13

Yesabani Simakadze Nkulunkulu wenu, nikhonte yena yedvwa, nifunge ngelibito lakhe.

Dutheronomi 6:17

Cinisekani kutsi niyayigcina imiyalo yaSimakadze Nkulunkulu wenu kanjalo futsi nato timiso laninike tona.

Joshuwa 24:15

Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”

Sembulo 7:15

Kungako nje basembikwesihlalo sebukhosi saNkulunkulu, bamkhonta imini nebusuku ethempelini lakhe; lowo lohlala esihlalweni sebukhosi uyawubasingatsa ngebukhona bakhe.