2 Tikhronike 30:27 - Siswati 1996 Bible

²⁷ Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

2 Tikhronike 30:27 ပူးပေါင်းရင်းမြစ်များ

1 Emakhosi 8:30

Vani kuncusa kwenceku yakho kanye nekwesive sakho sema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

1 Emakhosi 8:39

ubobe sewuyeva usezulwini, indzawo yakho yekuhlala, utsetselele, bese uyenta. Nguloyo naloyo muntfu umphatse njengekwenta kwakhe, njengobe wena uyayibona inhlitiyo yakhe, ngobe nguwe wedvwa lowati tinhlitiyo tebantfu.

2 Tikhronike 23:18

Jehoyada wase ubeka baphristi lababengemaLevi kutsi kube ngubona bengameli belithempeli laSimakadze, Davide labebeke kubo umsebenti ethempelini kutsi betfule umnikelo wekushiswa kuSimakadze njengobe kubhaliwe emtsetfweni waMosi, ngekujabula nangekuhlabela, njengobe kwakushito Davide.

2 Tikhronike 6:21

Vani kuncusa kwenceku yakho kanye nekwesive sakho, ema-Israyeli, nasithandaza sibheke kulendzawo. Vani usetulu ezulwini, indzawo yakho yekuhlala, ubotsi ungeva, bese uyatsetselela.

Tihlabelelo 68:5

Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Eksodusi 39:43

Mosi wakuhlola konkhe wakubukisisa, wabona kutsi kwentiwe njengobe abelayelwe nguSimakadze. Ngako-ke Mosi wase uyababusisa.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jona 2:7

Ngesikhatsi umphefumulo wami uphelelwa ngemandla ngakukhumbula wena, Simakadze. Umthandazo wami wafinyelela kuwe, ethempelini lakho lelingcwele.

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.

Dutheronomi 26:15

Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”