2 Tikhronike 30:15 - Siswati 1996 Bible

¹⁵ Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

2 Tikhronike 30:15 ပူးပေါင်းရင်းမြစ်များ

2 Tikhronike 29:15

Lamadvodza atsi kube ahlanganise ndzawonye bomnakabo atingcwelisa, ase ayangena ayawuhlambulula lithempeli laSimakadze, njengobe inkhosi yayiyalile, ngekulandzela livi laSimakadze.

2 Tikhronike 29:32

Linani leminikelo yekushiswa leyaletfwa libandla laba tinkunzi letingema-70, netihhanca letilikhulu, nemazinyane etimvu lamadvuna langema-200; konkhe loku kwaba ngumnikelo wekushiswa kuSimakadze.

2 Tikhronike 29:34

Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.

2 Tikhronike 30:13

Kwahlangana lesikhulu sicumbi sebantfu eJerusalema kutawugubha uMkhosi Wesinkhwa Lesingenambiliso enyangeni yesibili.

2 Tikhronike 30:2

Inkhosi netiphatsimandla tayo kanye nalo lonkhe libandla laseJerusalema bancuma kugubha liPhasika enyangeni yesibili.

2 Tikhronike 30:24

Hezekiya, inkhosi yakaJuda, waletsa kulelibandla tinkunzi letiyinkhulungwane, netimvu netimbuti letiti-7 000, kwase kutsi letiphatsimandla tona taletsa tinkunzi letiyinkhulungwane netimvu netimbuti letiti-10 000. Baphristi labanyenti base batingcwelisa bona matfupha.

2 Tikhronike 30:3

Babehlulekile kuligubha ngetikhatsi talo ngembili kwaloko, ngobe babengakeneli baphristi lababetingcwelisile, kantsi nebantfu babesengakahlangani ndzawonye eJerusalema.

2 Tikhronike 31:18

Babefaka ekhatsi bonkhe ngisho nalabancane babo, nebafati babo, nemadvodzana abo, nemadvodzakati abo, kuso sonkhe leso sigodzi sabo, njengobe kubhaliwe etincwadzini temilandvo yekutalana kwabo. Babetsembekile ekutingcweliseni kwabo.

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

2 Tikhronike 5:11

Baphristi-ke base bayaphuma endzaweni lengcwele. Bonkhe baphristi labebalapho babetingcwelisile ngalokufananako nome nje babeticheme letehlukene.

Ezra 6:20

Baphristi nemaLevi base batihlambululile, sebahlanteke bonkhe ngekwemtsetfo. EmaLevi ahlaba lizinyane leliPhasika alihlabela bonkhe batfunjwa, nabomnakabo baphristi, atihlabela nawo.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:22

Ngisho nebaphristi labatakuta basondzele la kimi kufanele batihlambulule kucala, ngaphandle kwaloko ngitawubajezisa.”

Numeri 9:11

Kufanele bona baligubhe ngelilanga leli-14 enyangeni yesibili kusihlwa. Kufanele baligubhe ngekudla lizinyane lemvu, nesinkhwa lesite imbiliso kanye netibhidvo letibabako.