2 Tikhronike 30:1 - Siswati 1996 Bible

¹ Hezekiya watfumela livi kulo lonkhe laka-Israyeli, nelakaJuda, waphindze wabhala tincwadzi atibhalela baka-Efrayimu nebakaManase, abamema kutsi bete ethempelini laSimakadze eJerusalema kutawugubha liPhasika kuSimakadze, Nkulunkulu wema-Israyeli.

2 Tikhronike 30:1 ပူးပေါင်းရင်းမြစ်များ

2 Emakhosi 23:22

Bekungazange sekube neliPhasika lelake lagujwa njengaleli kusukela ngetikhatsi tetikhulu letatihola ema-Israyeli nangesikhatsi semakhosi aka-Israyeli kanye newakaJuda.

2 Tikhronike 11:13

Baphristi nemaLevi ato tonkhe tifundza tema-Israyeli, basekela Rehobowamu.

2 Tikhronike 11:16

Bonkhe bantfu baleso naleso sive saka-Israyeli lababebeke tinhlitiyo tabo ekufuneni Simakadze, Nkulunkulu wema-Israyeli, balandzela emaLevi baya eJerusalema kuyawunikela imihlatjelo kuSimakadze, Nkulunkulu waboyise.

2 Tikhronike 25:7

Kodvwa kwefika umuntfu waNkulunkulu kuye, watsi: “Awu, nkhosi, lamabutfo aka-Israyeli akukafaneli kutsi ashuce kanye nawe, ngobe Simakadze akasekho ka-Israyeli, akasekho nakumunye webantfwana baka-Efrayimu.

2 Tikhronike 29:24

Baphristi base bahlaba letimbuti banikela ngengati yato etikwelilati, kutsi kube ngumnikelo wesono kutsi batekwenta inhlawulo yekubuyisana egameni lebaka-Israyeli bonkhe, ngobe inkhosi yase ivele iyalile kutsi kwentiwe umnikelo wekushiswa newesono wema-Israyeli onkhe.

2 Tikhronike 29:36

Hezekiya nabo bonkhe bantfu bakujabulela loko Nkulunkulu labesakwentele sive sakhe, ngobe kwenteka masinyane.

2 Tikhronike 30:2

Inkhosi netiphatsimandla tayo kanye nalo lonkhe libandla laseJerusalema bancuma kugubha liPhasika enyangeni yesibili.

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

Jeremiya 29:1

Lena yincwadzi leyabhalwa ngumphrofethi Jeremiya, wayitfumela isuka eJerusalema iya kumisalela leyayisasele yalabadzala kulabo labebatfunjiwe, nakubaphristi, nakubaphrofethi, nakubo bonkhe bantfu lababetfunjwe nguNebukhadnezari, abesusa eJerusalema wabayisa eBhabhulona.

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Hoseya 5:4

“Tento tabo atibavumeli kutsi babuyele kuNkulunkulu wabo. Umoya webugwadla usetinhlitiyweni tabo, abamhloniphi Simakadze.

Joshuwa 14:4

ngobe emadvodzana aJosefa abesative letimbili: sive sakaManase, nesaka-Efrayimu. EmaLevi akazange abelwe live, kodvwa abelwa emadolobha lapho abetawuhlala khona, abelwa nemadlelo etifuyo tawo.