2 Tikhronike 29:5 - Siswati 1996 Bible

⁵ watsi: “MaLevi, lalelani lapha kimi! Tingcweliseni nyalo, bese ningcwelisa nelithempeli laSimakadze, Nkulunkulu waboyihlomkhulu. Susani konkhe lokungcolile endzaweni lengcwele.

2 Tikhronike 29:5 ပူးပေါင်းရင်းမြစ်များ

1 Tikhronike 15:12

Wakhuluma kubo watsi: “Nine nibaholi bemindeni yemaLevi. Ngini nalamanye emaLevi lekufanele nitihlambulule nibe ngcwele, bese niletsa lelibhokisi lesivumelwane saSimakadze, Nkulunkulu wema-Israyeli, nilimikise kulendzawo lesengiyilungiselele lona.

2 Tikhronike 29:34

Noko baphristi babembalwa kakhulu kutsi bahlinze yonkhe leyo minikelo yekushiswa; ngako tihlobo tabo lekwakungemaLevi tabasita, kwaze kwaphela lowo msebenti, kwaze nalaba labanye baphristi nabo bangcweliswa, ngobe emaLevi abekucilikele kutingcwelisa wona matfupha kwendlula baphristi.

2 Tikhronike 29:4

Wangenisa baphristi nemaLevi, wabahlanganisela ebaleni ngasemphumalanga,

2 Tikhronike 35:6

Hlabani emawundlu eliPhasika, nitingcwelise nani, nilungise lamawundlu nilungisele labantfu bemave akini, nente loko lokwashiwo nguSimakadze ngaMosi.”

Nehemiya 12:30

Batsi nase batihlambululile ngekwelisiko baphristi nemaLevi, base bahlambulula bantfu, nemasango kanye nalolubondza.

Nehemiya 13:9

Ngase ngitsi akuhlanjululwe lamakamelo, emvakwaloko-ke ngase ngibuyisela letimphahla tasendlini yaNkulunkulu kanye naleyo minikelo yalokutinhlavu nemphepho.

Tihlabelelo 93:5

Bufakazi bakho buciniseke kakhulu, bungcwele buyifanele indlu yakho, phakadze naphakadze, Simakadze.

Eksodusi 19:10

Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;

Eksodusi 19:15

Mosi wakhuluma kubantfu watsi: “Tilungiseleleni lilanga langemhlomunye, ningalali nalomsikati.”

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Hezekeli 8:3

Welula loko lokwakungatsi kusandla, wangibamba ngesihlutfu. Moya wangiphakamisela emkhatsini wemhlaba nelizulu: Wangitsatsa embonweni waNkulunkulu, wangitsatsa saya eJerusalema, ekungeneni kwelisango langasenyakatfo lesibuya lesisekhatsi nekhatsi, lapho kwakume khona lesithico lesibanga intfukutselo lenkhulu.

Hezekeli 8:6

Wase utsi kimi: “Ndvodzana yemuntfu, uyabona yini kutsi bentani, letintfo letinengeka kangaka letentiwa yindlu yaka-Israyeli lapha, tintfo letitangicoshela khashane kakhulu nendzawo yami lengcwele? Kodvwa usetawubona letinye tintfo letinengeka kakhulu kunaleti.”

Joweli 2:16

Hlanganisani sive sibe ndzawonye, niwungcwelise lowo mhlangano; hlanganisani baholi, nihlanganise nebantfwana, yebo, ngisho nalabamunyako imbala. Umkhwenyane akashiye indlu yakhe, namakoti ashiye indlu yakhe.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.