2 Tikhronike 29:32 - Siswati 1996 Bible

³² Linani leminikelo yekushiswa leyaletfwa libandla laba tinkunzi letingema-70, netihhanca letilikhulu, nemazinyane etimvu lamadvuna langema-200; konkhe loku kwaba ngumnikelo wekushiswa kuSimakadze.

2 Tikhronike 29:32 ပူးပေါင်းရင်းမြစ်များ

1 Emakhosi 3:4

Inkhosi yahamba yaya eGibeyoni yayawunikela ngemihlatjelo, ngobe leyo bekunguyona ndzawo lephakeme lemcoka. Solomoni-ke wanikela ngenkhulungwane yeminikelo yekushiswa kulelo lati.

1 Emakhosi 8:63

Solomoni wanikela ngemhlatjelo wekuthula kuSimakadze: Tinkhomo letatiti-22 000 netimvu letatiti-120 000 tihlangene netimbuti. Inkhosi yalinikela kanjalo-ke lithempeli laSimakadze, ikanye nesive sema-Israyeli.

1 Tikhronike 29:21

Ngelilanga lelilandzelako benta imihlatjelo neminikelo yekushiswa kuSimakadze: tinkunzi letiyinkhulungwane, netihhanca letiyinkhulungwane, nemazinyane lamadvuna etimvu latinkhulungwane, neminikelo yayo yetinatfo kanye naleminye imihlatjelo leminyenti, bentela Israyeli wonkhe.

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 29:33

Letilwane letehlukaniselwa umhlatjelo kwaba tinkunzi letingema-600, netimvu netimbuti letiti-3 000.

2 Tikhronike 29:35

Iminikelo yayiminyenti kakhulu, ikanye nemafutsa eminikelo yebudlelwane, neminikelo yesinatfo leyayihambisana neminikelo yekushiswa. Ngako inkonzo yekukhonta ethempelini laSimakadze yavuseleleka.

2 Tikhronike 30:15

Bahlaba lizinyane lemvu leliPhasika mhlazana tili-14 enyangeni yesibili. Baphristi nemaLevi baba nemahloni, base bayatingcwelisa bona cobo lwabo, baletsa iminikelo yekushiswa ethempelini laSimakadze.

Ezra 6:17

Ekuvulweni kwalendlu banikela ngetinkunzi letilikhulu, nangetihhanca letingema-200, nangemazinyane etimvu langema-400. Banikela nangetiphongo letili-12, kutsi tibe ngumnikelo wesono, nguleso naleso simele sinye sive sema-Israyeli.

Levithikusi 1:1

Simakadze asethendeni lekuhlangana, wabita Mosi wakhuluma kuye watsi:

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.