2 Tikhronike 29:26 - Siswati 1996 Bible

²⁶ Ngako emaLevi ema asatilungiselele aphetse tingubhu taDavide kanye nebaphristi nabo sebaphetse emacilongo abo.

2 Tikhronike 29:26 ပူးပေါင်းရင်းမြစ်များ

1 Tikhronike 15:24

BoShebaniya, naJosafati, naNethaneli, na-Amasayi, naZakhariya, naBhenaya kanye na-Eliyezeri bona bekubaphristi lekwakufanele bashaye emacilongo embikwelibhokisi lesivumelwane saNkulunkulu. Bo-Obedi Edomu naJehiya nabo bakhetselwa kutsi babe bomahlalesangweni belibhokisi lesivumelwane.

1 Tikhronike 16:6

BoBhenaya naJahaziyeli labebabaphristi bona babefanele bashaye emacilongo njalo nje ngetikhatsi letitsite embikwelibhokisi lesivumelwane saNkulunkulu.

1 Tikhronike 23:5

Labati-4 000 bona batawuba bomahlalesangweni, labati-4 000 babe bekudvumisa Simakadze ngetingubhu temculo lengitimisele loko.”

Tihlabelelo 81:3

Vutselani impalampala ekwetfwaseni kwenyanga, nangesikhatsi seyidvulungile ngelilanga lemkhosi wetfu.

Tihlabelelo 87:7

Bahlabeleli nebadlali ngalokufanako batsi: “Yonkhe imitfombo yami ikuwe.”

Isaya 38:20

Simakadze utangisindzisa; siyawuhlabela ngetingubhu letinetintsambo onkhe emalanga emphilo yetfu sisethempelini laSimakadze.

Amose 6:5

Nanihlabela, nigubhutelisa emahabhu enu, nitakhele nine imintjingozi yemculo njengaDavide.

Numeri 10:10

Nangemikhosi yenu yekujabula, ngemkhosi wekwetfwasa kwenyanga lensha nangaleminye imikhosi yekukhonta, niyawushaya emacilongo, nanetfula iminikelo yenu yekushiswa neminikelo yenu yekuthula lenguyona iyawuba sikhumbuto senu embikwaNkulunkulu wenu. Mine nginguSimakadze Nkulunkulu wenu.”

Numeri 10:8

Lamacilongo ayawushaywa ngemadvodzana a-Aroni, baphristi. “Lomyalo uyakwentiwa sive sema-Israyeli kuto tonkhe titukulwane.