2 Tikhronike 29:25 - Siswati 1996 Bible

²⁵ Wemisa emaLevi ethempelini laSimakadze aphetse emasimbali, nemahabhu, nemalire ngayo yona leyo ndlela leyayimiswe nguDavide naGadi, umboniswa wenkhosi, kanye naNathani, umphrofethi. Loko bekungumyalo lowetfulwa nguSimakadze ngebaphrofethi bakhe.

2 Tikhronike 29:25 ပူးပေါင်းရင်းမြစ်များ

2 Samuweli 24:11

Davide watsi asengakavuki nakuvuka ngakusasa ekuseni, livi laSimakadze labeselifikile kuGadi, umphrofethi, umboniswa waDavide, latsi:

1 Tikhronike 16:42

BoHemani naJeduthuni bona umsebenti wabo bekukushaya emacilongo, nemasimbali kanye nekudlala letinye tingubhu tekuhlabela ingoma lengcwele yekudvumisa. Emadvodzana aJeduthuni wona abema esangweni.

1 Tikhronike 21:9

Simakadze watsi kuGadi, umboniswa waDavide:

1 Tikhronike 23:5

Labati-4 000 bona batawuba bomahlalesangweni, labati-4 000 babe bekudvumisa Simakadze ngetingubhu temculo lengitimisele loko.”

1 Tikhronike 28:12

Wamnika emapulani ako konkhe lekwakubekwe nguMoya engcondvweni yakhe macondzana netibuya telithempeli laSimakadze kanye nawo onkhe emakamelo lalitungeletile, newetindlu tengcebo yasethempelini laNkulunkulu, kanye newetindlu tengcebo yetintfo letinikelwe.

1 Tikhronike 28:19

Davide wakhuluma watsi: “Konkhe loku kubhalwe phansi, ngobe sandla saSimakadze besisetikwami, wangipha kucondzisisa kahle yonkhe imininingwane yalepulani.”

1 Tikhronike 29:29

Imininingwane ngekubusa kwaDavide, kusukela ekucaleni kuze kube ngusekugcineni, kubhaliwe emlandvweni waSamuweli, umboniswa, nasemlandvweni waNathani, umphrofethi, kanye nasemlandvweni waGadi, umboniswa.

1 Tikhronike 9:33

Labo lababebahlabeli, lababebaholi bemaLevi, babehlala emakamelweni elithempeli. Bayekeliswa nalena leminye imisebenti, ngobe babehlala balindzele kubitelwa emsebentini wabo ngaso sonkhe sikhatsi, emini nasebusuku.

2 Tikhronike 30:12

NakaJuda sandla saNkulunkulu sasisetikwebantfu kutsi sibanike bunye bengcondvo ekwenteni loko inkhosi netiphatsimandla tayo babetsite akwentiwe, ngekulandzela livi laSimakadze.

2 Tikhronike 30:21

Ema-Israyeli labekhona eJerusalema awugubha uMkhosi weSinkhwa Lesingenambiliso kwaze kwaphela emalanga lasikhombisa kunekujabula lokukhulu, ngesikhatsi emaLevi nebaphristi bona babehlabela kuSimakadze onkhe lawo malanga, basekelwa tingubhu taSimakadze tekudvumisa.

2 Tikhronike 35:15

Bahlabeli, batukulu ba-Asafa, babesetindzaweni letatilawulwe nguDavide, bo-Asafa, naHemani, naJeduthuni, baboniswa benkhosi. Bomahlalesangweni, kulelo nakulelo sango, kwakungenasidzingo sekutsi besuke lapho bakhona, ngobe labahlobo babo, emaLevi, babentela onkhe emalungiselelo.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Nehemiya 12:27

Ngesikhatsi sekunikelwa kwelubondza lweJerusalema, emaLevi afunwa aze atfolakala lapho abehlala khona, atsatfwa aletfwa eJerusalema kutsi atewungenela lomkhosi ngenjabulo, nangetingoma tekubonga, nangemculo wabokhencekhence, newemahabhu, newemalire lanetintsambo letinyenti.

1 Samuweli 22:5

Kodvwa umphrofethi Gadi wakhuluma kuDavide, watsi: “Ungahlali lapha enqabeni. Hamba uye eveni lakaJuda.” Ngako Davide wesuka wahamba, waya ehlatsini laseHarethi.