2 Tikhronike 28:23 - Siswati 1996 Bible

²³ Wanikela ngemihlatjelo etithicweni tebantfu baseDamaseko lebase bamehlulile; ngobe abecabange watsi: “Njengobe tithico temakhosi aseSiriya tiwasitile emaSiriya, nami ngitakwenta umhlatjelo kuto, khona titakungisita.” Kodvwa ngito kanye letamwisa, taphindze tawisa onkhe ema-Israyeli.

2 Tikhronike 28:23 ပူးပေါင်းရင်းမြစ်များ

2 Tikhronike 25:14

Watsi Amasiya nakabuya kuyawubulala baka-Edomu, wabuya netithico tebantfu baseSeyiri, wafike watimisa taba tithico takhe, wakhotsama embikwato, washisa imihlatjelo embikwato.

Isaya 1:28

Kodvwa bahlubuki netoni bayawufohlotwa bonkhe kanyekanye, nalabo labalahla Simakadze bayawubhubha.

Isaya 45:20

“Butsanani ndzawonye, nite; hlanganani, nine lenibaleke etiveni. Abati lutfo labo labetfwala tithico tetingodvo, bathandaze etithicweni letingeke tisindzise.

Jeremiya 10:5

Njengemlindzansimi esivandzini semajoti, letithico tabo atikwati kukhuluma, kudzingeka tize tetfwalwe, ngobe atikwati kutihambela. Ningatesabi, tingeke tinente lutfo lolubi, kantsi futsi kute naloluhle letingalwenta.”

Jeremiya 2:25

Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”

Hoseya 13:9

“Awu, Israyeli, ngiyawukubhubhisa ngobe umelene nami, uphambene nemsiti wakho.

Hoseya 2:7

Uyawucoshana nemashende akhe, kodvwa ngeke awakhandze; uyakuwafuna, kodvwa angeke awatfole. Uyawube sewutsi: ‘Ngitawuncandzeka ngibuyele endvodzeni yami yakucala, ngobe ngaleso sikhatsi bekukuhle kakhulu kimi kunanyalo.’

Habakhuki 1:11

Bese sishulungana sendlulele embili njengemoya, emadvodza lanemacala, lamandla awo angunkulunkulu wawo.”