2 Tikhronike 28:19 - Siswati 1996 Bible

¹⁹ Simakadze abesatfobise Juda ngenca ya-Ahazi, inkhosi yakaJuda, ngobe wakhutsata kwandza kwebubi kaJuda, wangete wetsembeka ngisho nakancane nje kuSimakadze.

2 Tikhronike 28:19 ပူးပေါင်းရင်းမြစ်များ

Genesisi 3:11

Nkulunkulu wambuta watsi: “Ngubani losakutjele kutsi uhamba ngcunu? Sewusidlile yini lesitselo salesihlahla lengakuyala ngaso kutsi ungabosidla?”

Genesisi 3:7

Emehlo abo bobabili ase ayavuleka, batibona kutsi bangcunu; base batfunga emacembe emkhiwa, batentela kwekuvunula.

1 Emakhosi 14:16

Simakadze utasiyekelela sive saka-Israyeli ngenca yetono letentiwe nguJerobowamu, leto ladvonsela ngato sive saka-Israyeli ekoneni.”

1 Emakhosi 18:18

Elija waphendvula watsi: “Kute lengimhluphe ngako Israyeli, kodvwa nguwe nemndeni weyihlo. Uyiyekele imiyalo yaSimakadze, wabe sewulandzela boBhali.

2 Tikhronike 21:2

BomnakaboJehoramu, emadvodzana aJeshoshafati, bekubo-Azariya, naJehiyeli, naZakhariya, na-Azariyahu, naMikhayeli, naShefathiya. Onkhe-ke lawo bekubomsa waJehoshafati, inkhosi yaka-Juda.

2 Tikhronike 28:1

Ahazi abeneminyaka lengema-20 budzala, nakabekwa kuba yinkhosi; wabusela eJerusalema iminyaka leli-16. Akazange ahambe etinyatselweni teyise Davide, wenta lokubi emehlweni aSimakadze.

2 Tikhronike 28:4

Wanikela nangemihlatjelo, watfuncisa imphepho etindzaweni letiphakeme, nasetulu eticongweni temagcuma, nangephansi kwetihlahla letikhulu letendlele emagala ato.

2 Tikhronike 33:9

Kodvwa Manase wabedukisa bantfu bakaJuda nebaseJerusalema, ngako benta lokubi kakhulu kwendlula letive letabhujiswa nguSimakadze, ngesikhatsi nakufika ema-Israyeli.

Jobe 40:12

buka bonkhe bantfu labatigcabhako, bese uyabatfobisa. Pitjita lababi lapho beme khona.

Eksodusi 32:25

Mosi wabona kutsi bantfu sebangumhlambi kazelusile, ngobe Aroni abesabayekelele batentela matsandza, batihlazisa ngisho nasembikwetitsa tabo.

Taga 14:34

Kulunga kuyasiphakamisa sive; kodvwa sono silihlazo nome ngukusiphi sive.

Taga 29:23

Kutigcabha kwemuntfu kumletsela kuwa; kodvwa lotfobekile utfola kuhlonipheka.

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Levithikusi 5:19

Lowo-ke ngumnikelo loyinhlawulo yelicala; empeleni abenelicala kuSimakadze.”

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”

Dutheronomi 28:43

“Betive labahlala emkhatsini wenu bayawukhula ngetulu kwenu baye ngekuya benyuka, kodvwa nine niyawushona phansi, niye ngekuya, nehle.

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

1 Samuweli 2:7

Simakadze uyaphuyisa, abuye anjingise. Uyatfobisa, aphindze aphakamise.