2 Tikhronike 28:15 - Siswati 1996 Bible

¹⁵ Kwakhetfwa emadvodza labitwa ngemabito awo kutsi atsatse letitfunjwa letingcunu atigcokise ngetimphahla letatitsatfwe kulemphango. Batigcokisa, batifaka tincabule, batipha kudla nekwekunatsa, batigcobisa tilondza. Bonkhe labo lababebutsakatsaka babagibelisa etimbongolweni. Babancandzekisa bababuyisela emuva kubakubo eJerikho, Lidolobha Lemasundvu, babuyela eSamariya.

2 Tikhronike 28:15 ပူးပေါင်းရင်းမြစ်များ

2 Emakhosi 6:22

Elisha wayiphendvula, watsi: “Ungababulali. Ungababulala yini bantfu lobatfumbe ngenkemba yakho nangebutjoki bakho? Baphe kudla nemanti, kuze badle besutse banatse, bese babuyela enkhosini yabo.”

2 Emakhosi 6:23

Ngako inkhosi yabalungiselela lelikhulu lidzili, yabapha, batsi nasebadle bacedza, banatsa, wase uyabakhulula, babuyela enkhosini yabo eSiriya. Kusukela ngalelo langa emaSiriya agcina atsi mfo, kuhlasela live lema-Israyeli.

2 Tikhronike 28:12

Kwase kutsi labanye bebaholi baka-Efrayimu, bo-Azariya, umsa waJehohanani, naBherekhiya, umsa waMeshilemothi, naJehizkiya, umsa waShalumi, na-Amasa, umsa waHadilayi, babhekana nalabo lababefika baphuma emphini.

2 Tikhronike 28:14

Ngako lamabutfo avele akhulula letiboshwa nalemphango embikwetindvuna nalo lonkhe libandla.

Ezra 2:34

emadvodza aseJerikho abengema-345,

Nehemiya 5:12

Baholi baphendvula, batsi: “Sitakubuyisela, futsi kute lesitawuphindze sibabite kona ngetulu. Sitakwenta njengobe ushito.” Ngase ngibita baphristi, ngabafungisa labaholi netindvuna embikwabo kutsi basigcine lesifungo sabo labese basentile.

Isaya 58:7

Akusiko yini kuhlephulelana kudla kwakho nalabalambile, nekulalisa tihambi endlini yakho, nekutsi nawubona lohlubulile umembulele, ungagucukeli labo labayinyama nengati yakho?

Lukha 6:27

“Kodvwa anginitjele naku, nine leningilalele: Tsandzani titsa tenu, niphatse kahle labo labanitondzako!

Lukha 8:27

Nakehlela elusentseni lwemanti, Jesu wahlangana nendvodza leyayiphume edolobheni. Yayinemadimoni. Kwase kusikhatsi lesidze ihamba ngcunu lendvodza ingasahlali nekhaya, seyihlala emadlizeni.

Lukha 8:35

Bantfu baphuma sebayawubona lokwasekwentekile. Batsi beta kuJesu, bakhandza lomuntfu labenemadimoni ahleti ngasetinyaweni taJesu, embetse kahle, nemcondvo wakhe sewusangulukile; bonkhe bantfu besaba.

Imisebenti yebaPhostoli 9:39

Ngako Phetro watilungisela wahamba nabo. Nasafikile bamtsatsa bamyisa kulendlu leyayisesitezi. Bonkhe bafelokati bamsingatsa, bakhala bamkhombisa emahembe nemajazi labentiwe nguDokhasi asengakafi.

KubaseRoma 15:1

Tsine lesicinile ekukholweni kufanele sitfwalisane nalababutsakatsaka ekwehlulekeni kwabo, singatijabulisi tsine.

Dutheronomi 34:3

naseNegevu, eningizimu yakaJuda, kanye naso sonkhe leso sifundza kusuka eSihosheni saseJerikho, lidolobha letihlahla temasundvu, kuze kuyewufika kulaseSowari.

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

Tikhulu 1:16

Titukulwane teyisetala waMosi, emaKheni, takhuphuka eDolobheni Lemasundvu tahamba nemphi yakaJuda tayawukwakha ehlane laseJudiya, eveni laseNegevu lekuyiningizimu yelive, eceleni kwase-Aradi.