2 Tikhronike 26:21 - Siswati 1996 Bible

²¹ Inkhosi Uziya yaba nalesifo lesisabulephelo kwaze kwaba lilanga leyafa ngalo, yase ihlala endlini yayo yodvwa, isenalesifo lesisabulephelo, seyingeke iphindze ingene ethempelini laSimakadze. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Tikhronike 26:21 ပူးပေါင်းရင်းမြစ်များ

2 Emakhosi 7:3

Kwakukhona emadvodza lamane labenesifo lesisabulephelo labehlala ngasesangweni lelidolobha. Akhulumisana odvwana atsi: “Sitawuhlalelani lapha size sife?

2 Tikhronike 26:20

Watsi Azariya, umPhristi Lomkhulu, nabo bonkhe labanye baphristi nabambuka, babona kutsi abesanesifo lesisabulephelo ebuntini lakhe, bavele bamkhiphela ngaphandle ngekushesha. Empeleni naye abesavele afisa kutsi aphume, ngobe Simakadze abesamshayile.

2 Tikhronike 27:1

Jothamu abeneminyaka lengema-25 budzala, ngesikhatsi acala kubusa. Wabusela eJerusalema iminyaka leli-16. Libito lenina bekunguJerusha, indvodzakati yaSadoki.

Levithikusi 13:46

Utawuhlala angcolile yingci nakasenaloku lokusabulephelo; kufanele ahlaliswe yedvwana ethendeni lelingaphandle kwenkambu.”

Levithikusi 14:8

“Umuntfu lohlanjululwako kufanele ageze timphahla takhe, ahhule tonkhe tinwele, ageze umtimba wakhe emantini, bese uyahlambuluka-ke. Emvakwaloko angancandzeka abuyele enkambu, ahlale ngaphandle kwelithende lakhe kuze kuphele emalanga lasikhombisa.

Numeri 12:15

Ngako-ke Miriyamu wavalelwa ngephandle kwenkambu emalanga lasikhombisa. Sive sonkhe asizange sichubeke nekutfutsa, waze wabuyiswa.

Numeri 5:4

Ema-Israyeli awulalela lomyalo; abakhiphela ngephandle kwenkambu, njengobe Mosi abeyalwe nguSimakadze.