2 Tikhronike 26:18 - Siswati 1996 Bible

¹⁸ Babhekana naye batsi: “Akukafaneli kutsi wena Uziya ushise imphepho kuSimakadze. Loko kufanele kwentiwe baphristi, titukulwane ta-Aroni, labehlukaniselwe kutsi bashise imphepho. Suka lapha endzaweni lengcwele, ngobe wonile kuSimakadze longuNkulunkulu, ngobe awusenaso sibusiso sakhe.”

2 Tikhronike 26:18 ပူးပေါင်းရင်းမြစ်များ

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

2 Tikhronike 30:7

Ningalingisi boyihlo nabomnakenu, labangazange betsembeke kuSimakadze, Nkulunkulu waboyisemkhulu, ngenca yaloko wabenta baba yinkoyoyo yekuhlupheka, njengobe nibona nje.

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Jeremiya 13:18

Khuluma enkhosini nasendlovukazini, utsi: “Yehlani etihlalweni tenu tebukhosi, ngobe lemichele yenu lemanyatelako itawudzilika lapha etinhloko tenu.”

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Numeri 18:7

Kodvwa wena nemadvodzana akho niyawukhonta njengebaphristi kuko konkhe lokukwaselatini nangekhatsi kwendvwangu. Ngininika inkonzo yebuphristi njengesipho. Lowo longakafaneli loyawusondzela eceleni kwalelilati, uyawubulawa.”

Numeri 3:10

Uyawubeka Aroni nemadvodzana akhe kutsi bente imisebenti yebuphristi. Wonkhe umuntfu, ngaphandle kwabo, loyawusondzela eceleni kwalendzawo lengcwele uyawubulawa.”

Matewu 10:18

Niyawumiswa embikwebabusi nemakhosi ngelibito lami, kuze kube bufakazi kubo nakubetive.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Matewu 14:4

Ngobe Johane abetsi kuye: “Akukalungi kutsi wena umtsatse!”

Johane 5:44

Ningakholwa kanjani nine nidvumisana nodvwana nje, ningalufuni ludvumo loluvela kuNkulunkulu, lokunguye yedvwa?

1 kubaseKorinthe 5:5

lowo muntfu mnikeleni kuSathane ekufeni kwemtimba wakhe, khona kuyawusindziswa umoya wakhe ngelilanga leNkhosi Jesu.

2 kubaseKorinthe 5:16

Ngako kusukela nyalo asiseyikwati muntfu ngekwenyama. Nome sake samati Khristu ngekwenyama nyalo asisamati kanjalo.

KubaseGalathiya 2:11

Kodvwa ngesikhatsi nakufika Khefase e-Antiyokhi ngaphikisana naye embikwebazalwane, ngenca yesento sakhe lesibi.

KumaHebheru 5:4

Kute umuntfu lotitsatsela lesikhundla ngaphandle kwekutsi abitwe nguNkulunkulu, njengobe na-Aroni abitwa.

YaJakobe 2:1

Bazalwane bami, nine lenikholwa yiNkhosi yetfu yenkhatimulo, Jesu Khristu, ningabobakhetsa bantfu.

Joshuwa 22:15

Lamadvodza efika eGileyadi, esiveni sakaRubeni, nesakaGadi kanye nasencenyeni yesive sakaManase, akhuluma atsi:

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.