2 Tikhronike 25:8 - Siswati 1996 Bible

⁸ Nome bewungahamba uyewuhlasela ngesibindzi emphini, Nkulunkulu uyawukwehlula embikwetitsa takho, ngobe Nkulunkulu unemandla ekusita newekwehlulekisa.”

2 Tikhronike 25:8 ပူးပေါင်းရင်းမြစ်များ

2 Tikhronike 1:12

ngako-ke utawunikwa lokuhlakanipha nekucondza. Ngetulu kwaloko ngitakunika nemcebo, nebunjinga, nekuhlonishwa, lokungazange sekube nenkhosi leyake yaba nako ngembili kwakho, futsi kute leyawubuye ibe nako emvakwakho.”

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

2 Tikhronike 18:14

Watsi kube efike, inkhosi yambuta yatsi: “Mikhaya, singaya yini kuyawuhlasela iRamothi Gileyadi, nome ngiyekele?” Mikhaya waphendvula watsi: “Hlasela uncobe, ngobe Simakadze utayinikela esandleni sakho.”

2 Tikhronike 20:6

watsi: “Yebo, Simakadze, Nkulunkulu wabokhokho, wena awusiye yini Nkulunkulu losezulwini? Ubusa yonkhe imibuso yetive temhlaba. Emandla nemagunya kusesandleni sakho, futsi kute longamelana nawe.

2 Tikhronike 26:7

Nkulunkulu wamsita ekuhlaseleni kwakhe emaFilisti nema-Arabu labehlala eGuri Bhali, wamsita nasekuhlaseleni emaMehuni.

Jobe 5:18

Ngobe yena nome angamilisa tilondza, uphindze atipholise, uyalimata aphindze aphilise ngetandla takhe.

Jobe 9:13

Nkulunkulu akajiki angatfukutsela, ngisho nemabutfo akaRahabi akhotsama etinyaweni takhe.

Tihlabelelo 20:7

Labanye bantfu bachoshe ngetincola temphi, labanye bachoshe ngemahhashi, kodvwa tsine sigabe ngelibito laSimakadze longuNkulunkulu wetfu.

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Tihlabelelo 62:11

Nkulunkulu ukhulume kanye, ngeva kwaba kubili: kutsi emandla ngakho, Nkulunkulu,

Tihlabelelo 89:43

Nenkemba yayo ayikadli enyameni, wayenta yehluleka ngisho nekubhekana nemphi.

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Umshumayeli 11:9

Jabula jaha, ebusheni bakho, inhlitiyo yakho ayikujabulise ngemalanga ebusha bakho. Landzela tindlela tenhlitiyo yakho nako konkhe lokubonwa ngemehlo akho; kodvwa ukhumbule kutsi Nkulunkulu uyawukwehlulela ngako konkhe lokwentile.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Hagayi 2:8

‘Isiliva yami, negolide ngeyami,’ kusho Simakadze longuSomandla.

Matewu 26:45

Jesu wefika kubafundzi bakhe watsi: “Nisalele namanje, niyaphumula? Bukani-ke, sikhatsi sesisondzele, iNdvodzana yeMuntfu seyiniketwe etandleni tetoni.

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

KubaseFiliphi 4:19

Nkulunkulu wami utawuhlangabetana nako konkhe kweswela kwenu, kuye ngemcebo webukhosi bakhe lobukuKhristu Jesu.

Tikhulu 7:7

Simakadze wakhuluma kuGideyoni, watsi: “Ngalamadvodza langema-300 lanatse ngekucapha ngitanisindzisa, nginikele emaMidiyani etandleni takho. Hambisa onkhe lawa lamanye emadvodza, ngulowo nalowo abuyele kubo.”

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”