2 Tikhronike 25:5 - Siswati 1996 Bible

⁵ Amasiya wabita sonkhe sive sakaJuda, wasimisa njengekwetindlu taso, phansi kwetindvuna tetinkhulungwane netemakhulu kulo lonkhe lakaJuda nelakaBhenjamini. Wase ubala bonkhe lababeneminyaka lengema-20 nalengetulu, wakhandza kutsi babengemadvodza lati-300 000, emajaha labengalungela kulwa imphi, labengakhona kuhloma ngesikhali nangelihawu.

2 Tikhronike 25:5 ပူးပေါင်းရင်းမြစ်များ

1 Tikhronike 13:1

Davide wakhuluma netindvuna takhe ngayinye ngayinye, tindvuna tetinkhulungwane, netemakhulu.

1 Tikhronike 27:1

Lolu-ke luhla lwemabito ema-Israyeli: Baholi bemindeni, netindvuna tetinkhulungwane, netemakhulu, naletinye tiphatsimandla letatibambisene nenkhosi kuko konkhe lokuphatselene nemabutfo labesemsebentini inyanga ngenyanga, wonkhe umnyaka. Lilinye libutfo lalinemadvodza labeti-24 000.

2 Tikhronike 11:1

Watsi kube efike eJerusalema Rehobowamu, wabutsa yonkhe indlu yakaJuda neyakaBhenjamini, libutfo lelalinemadvodza lati-180 000, tihlabani todvwa, wahlomisa imphi yekuhlasela indlu yaka-Israyeli, kuze batewubuyisela umbuso kuyeRehobowamu.

2 Tikhronike 14:7

Wakhuluma nesive sonkhe sakaJuda, watsi: “Asiwakhe lamadolobha, sakhe netibondza letiwatungeletako, nemibhoshongo nemasango kanye nemicabo. Lelive kusengeletfu, ngobe siyentile intsandvo yaSimakadze Nkulunkulu wetfu. Simfunile, yena wase usipha kuthula yonkhe indzawo.” Ngako bavele bachubeka nekwakha, bachuma.

2 Tikhronike 14:8

Asa abenembutfo lowawunemasotja lati-300 000 akaJuda, ahlome ngemahawu lamakhulu kanye netikhali; emasotja akaBhenjamini wona abeti-280 000, wona ahlome ngemahawu lamancane kanye nebutjoki. Onkhe lamasotja bekutihlabani cobo lwato.

2 Tikhronike 25:6

Wachubeka wacasha letinye tingwazi taka-Israyeli letatiti-100 000, waticasha ngesiliva lengemakhilogremu lati-3 400.

2 Tikhronike 26:13

Bona babehola emadvodza emphi lati-307 500 labececeshelwe kulwa timphi, bangemabutfo lanemandla ekusekela nekuvikela inkhosi etitseni tayo.

Eksodusi 18:25

Wakhetsa emadvodza lafanele emkhatsini wesive sonkhe sema-Israyeli. Wawabeka aba baholi betinkhulungwane, nebemakhulu, nebema-50, nebemashumi.

Numeri 1:3

kusukela kulasebaneminyaka lengema-20 kuya etulu, onkhe emadvodza aka-Israyeli lase angalungela kuya emphini, wena na-Aroni niyakuwabala ngeticheme tawo.

1 Samuweli 8:12

Lamanye awo itawabeka abe tindvuna tetinkhulungwane, lamanye abe tindvuna tema-50, lamanye alime emasimini ayo aphindze awavune, lamanye ente tikhali temphi kanye netimphahla tetincola.