2 Tikhronike 25:20 - Siswati 1996 Bible

²⁰ Kodvwa Amasiya akazange atsandze kulalela, Nkulunkulu abesakulungisile kutsi abanikele etandleni tetitsa tabo, ngobe babefune lusito etithicweni tase-Edomu.

2 Tikhronike 25:20 ပူးပေါင်းရင်းမြစ်များ

1 Emakhosi 12:15

Ngako inkhosi ayizange isilalele sive, ngobe kwakuyintsandvo yaSimakadze kutsi kwenteke ngalendlela, kuze agcwalise livi lakhe labelikhulume kuJerobowamu, umsa waNebati, ngemlomo wemphrofethi Ahiya, waseShilo.

2 Tikhronike 10:15

Ngako inkhosi ayizange isilalele sive, ngobe kwakuyintsandvo yaNkulunkulu kutsi kwenteke ngalendlela, kuze kugcwaliseke livi laSimakadze labelikhulume kuJerobowamu, umsa waNebati, nga-Ahiya waseShilo.

2 Tikhronike 22:7

Ngekuvakasha kwa-Ahaziya kuya kuJoramu, Nkulunkulu wehlisela kuwa ku-Ahaziya. Watsi nakefika Ahaziya, waphuma kanye naJoramu wayawuhlangabeta Jehu, umsa waNimshi, labegcotjwe nguNkulunkulu kutsi abhubhise indlu yaka-Ahabi.

2 Tikhronike 25:16

Watsi asakhuluma lomphrofethi, inkhosi yamjuba lulwimi yatsi: “Sesikubeke kutsi ube ngumeluleki wenkhosi yini wena? Thula! Ulahleka phansi khona nyalo!” Lomphrofethi wathula, kodvwa waloyela watsi: “Manje ngiyati kutsi Nkulunkulu sewumise kutsi akubulale, ngobe wente loku, wangete wasitsatsa seluleko sami.”

2 Tikhronike 25:19

Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

2 Tikhronike 25:21

Ngako Jehoyashi, inkhosi yaka-Israyeli, wahlasela. Jehoyashi na-Amasiya, inkhosi yakaJuda, babhekana buso nebuso emphini yaseBhethi Shemeshi kulakaJuda.

1 yaPhetro 2:8

Kulenye indzawo utsi: “Leli litje leliyawukhuba bantfu, lidvwala lekubawisa.” Nembala bayakhutjwa labo labangalilaleli livi; vele bamiselwe kona loko.