2 Tikhronike 25:19 - Siswati 1996 Bible

¹⁹ Utitjela kutsi njengobe wehlule baka-Edomu nje, sewulutfo, sewuyatigabatisa. Wena hlala phansi lapho kakho. Utibitelelani kuhlupheka, utidvonsele wena kuwa kwakho, kanye nekwesive sonkhe sakaJuda?”

2 Tikhronike 25:19 ပူးပေါင်းရင်းမြစ်များ

2 Tikhronike 25:20

Kodvwa Amasiya akazange atsandze kulalela, Nkulunkulu abesakulungisile kutsi abanikele etandleni tetitsa tabo, ngobe babefune lusito etithicweni tase-Edomu.

2 Tikhronike 26:16

Kodvwa kwatsi kube Uziya abe nemandla, kutiphakamisa kwakhe kwamdvonsela ekuweni. Akazange etsembeke kuSimakadze Nkulunkulu wakhe; wangena ethempelini laSimakadze washisa imphepho elatini lemphepho.

2 Tikhronike 32:25

Kodvwa inhlitiyo yakhe yatiphakamisa kangangekutsi akazange awunake lomusa longaka labentelwe wona, ngako lulaka lwaSimakadze lwehlela etikwakhe nasetikwaJuda neJerusalema.

2 Tikhronike 35:21

Kodvwa Nekho watfumela tigijimi kuJosaya, atsi: “Sicabene ngani tsine nawe, nkhosi yakaJuda? Akusiwe lona lengilwa naye kulesikhatsi, kodvwa ngulendlu lengicabene nayo. Nkulunkulu utsite angisheshise, ngako-ke yekela kumelana naNkulunkulu longakimi, ngaphandle kwaloko utakubhubhisa Nkulunkulu.”

Taga 13:10

Ligcabho lichamusela incabano; kodvwa kuhlakanipha kutfolakala kulabo labemukela teluleko.

Taga 16:18

Kutigcabha kwendvulela kufa, nemoya wekutiphakamisa wendvulela kuwa.

Taga 18:6

Emavi esilima abanga kucabana, naloko lakushoko kumbangela kutsi bantfu bamshaye.

Taga 20:3

Umuntfu longakufuni kulwa uzuza ludvumo; silima sihlala ngekususa lutfutfuva singatibambi.

Taga 26:17

Umuntfu longena ekucabaneni kwalabanye ufanana nemuntfu lobamba inja lengumkhenkhetse ngemadlebe.

Taga 28:25

Umuntfu loligovu ususa lutfutfuva; kodvwa lowo lowetsemba Simakadze uyawuchuma.

Jeremiya 9:23

Naku lokushiwo nguSimakadze, utsi: “Lohlakaniphile akangatigabatisi ngekuhlakanipha kwakhe, kanjalo nemuntfu lonemandla akangatigabatisi ngemandla akhe, kanjalo futsi nemuntfu lonjingile angatigabatisi ngebunjinga bakhe.

Danyela 11:12

Kuyawutsi imphi nase itfunjiwe, inkhosi yaseningizimu ikhukhumuke ngeligcabho, ibulale tinkhulungwane ngetinkhulungwane, noko ngeke ihlale ingungcongcoshe.

Habakhuki 2:4

“Nasi sembulo: Lotiphakamisako angeke aphephe, kodvwa lolungile uyawuphila ngekukholwa kwakhe.”

Lukha 14:31

“Nangabe inkhosi inemabutfo lati-10 000 iyawulwa nalenye inkhosi lenemabutfo lati-20 000, leyo nkhosi ifanele kutsi ihlale phansi ibukisise kutsi ingaba nawo yini emandla ekubhekana nalenkhosi.

1 kubaseKorinthe 1:29

kuze kubete muntfu lotibongako embikwaNkulunkulu.

Dutheronomi 8:14

inhlitiyo yenu bese iyakhukhumala, nize nikhohlwe Simakadze Nkulunkulu wenu, lowanikhipha eGibhithe, eveni lebugcili.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”