2 Tikhronike 25:14 - Siswati 1996 Bible

¹⁴ Watsi Amasiya nakabuya kuyawubulala baka-Edomu, wabuya netithico tebantfu baseSeyiri, wafike watimisa taba tithico takhe, wakhotsama embikwato, washisa imihlatjelo embikwato.

2 Tikhronike 25:14 ပူးပေါင်းရင်းမြစ်များ

2 Samuweli 5:21

EmaFilisti abaleka ashiya tithico tawo khona lapho, boDavide nemadvodza akakhe batitsatsela bahamba nato.

2 Emakhosi 14:8

Amasiya wase utfumela tigijimi kuJehoyashi, umsa waJehoyahazi, umsa waJehu, inkhosi yaka-Israyeli, wamnika insayeya watsi: “Wota, sitewubhekana buso nebuso.”

2 Tikhronike 25:13

Ngaleso sikhatsi lamabutfo labesacitfwe ngu-Amasiya, awalela kutsi nawo ayilwe lemphi yabo, abese asuse lolukhulu lutfuli abhidlita emadolobha akaJuda kusukela eSamariya kuyewuma ngeBhethi Horoni. Lamabutfo abulala labati-3 000, abutsa imphango lenyenti ahamba nayo.

2 Tikhronike 25:2

Wenta lokuhle emehlweni aSimakadze, kodvwa, hhayi ngayo yonkhe inhlitiyo yakhe.

2 Tikhronike 28:23

Wanikela ngemihlatjelo etithicweni tebantfu baseDamaseko lebase bamehlulile; ngobe abecabange watsi: “Njengobe tithico temakhosi aseSiriya tiwasitile emaSiriya, nami ngitakwenta umhlatjelo kuto, khona titakungisita.” Kodvwa ngito kanye letamwisa, taphindze tawisa onkhe ema-Israyeli.

Eksodusi 23:24

Ningabakhotsameli bonkulunkulu babo, ningabakhonti, ningayenti nemikhuba yabo yekukhonta. Bonkulunkulu babo nibobabhidlita kanye netinsika tabo tematje.

Isaya 44:15

Umuntfu ukusebentisa ekubaseni umlilo; lokunye kwako akutsatse atifutfumete ngako, ubasa umlilo apheke sinkhwa. Kodvwa uphindze abate nkulunkulu wakhe, bese uyamkhonta; wenta sithico, bese ukhotsama kuso.

Isaya 44:19

Kute loke eme, acabangisise. Kute namunye lonelwati; kute nalonekucondza lotsi: “Incenye yalolukhuni ngiyibasile, ngidzimate ngapheka nesinkhwa kulamalahle alo, ngose inyama, ngayidla. Pho, ngingayenta yini intfo lesinengiso ngalolukhuni lolusele? Ngingasikhotsamela yini lesizemuzemu selugodvo?”

Amose 2:4

Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.

Dutheronomi 7:25

Tithico tato niyakutishisa ngemlilo. Ningacali nihawukele isiliva negolide lekuto, ningatitsatseli loko, ngobe nitawubanjwa lugibe lwato, ngobe loko kusinengiso kuSimakadze Nkulunkulu wenu.

Dutheronomi 7:5

Naku-ke lenitakwenta kuto: Bhidlitani emalati ato, nephule netinsikamatje tato lekutsiwa tingcwele, nijube tinsika tato tabo-Ashera losithicokati sabo, nishise netithico tato ngemlilo.