2 Tikhronike 25:12 - Siswati 1996 Bible

¹² Emabutfo akaJuda nawo atfumba emadvodza lati-10 000, awatsatsa aphila, enyuka nawo intsaba, aze efika esicongweni, ase awajikijela phansi, aye asaphateka aba ticucu.

2 Tikhronike 25:12 ပူးပေါင်းရင်းမြစ်များ

2 Samuweli 12:31

nalabantfu bebalapho wabakhipha wabafaka emsebentini lababewenta ngemasaha, nangemapiki ensimbi, nangemazembe, wabafolomisa netitini. Konkhe loku wakwenta kuwo onkhe emadolobha ema-Amoni. Davide nawo onkhe emabutfo akhe base bayancandzeka babuyela eJerusalema.

1 Tikhronike 20:3

nalabantfu bebalapho wabakhipha wabafaka emsebentini lababewenta ngemasaha, nangemapiki ensimbi, nangemazembe. Davide konkhe loko wakwenta kuwo onkhe emadolobha ema-Amoni. Davide nawo onkhe emabutfo akhe base bayancandzeka, babuyela eJerusalema.

2 Tikhronike 20:10

Kodvwa-ke nyalo nankha lamadvodza aka-Amoni, newakaMowabi, newaseNtsabeni iSeyiri, live labo longavumanga kutsi baka-Israyeli balihlasele nabaphuma eGibhithe. Ngako bavele babayekela bangete bababhubhisa.

2 Tikhronike 25:11

Amasiya waticinisa emandla, wahola emabutfo akhe wacondza eSigodzini Seluswayi, lapho afike wabulala emadvodza aseSeyiri lati-10 000.

2 Tikhronike 25:13

Ngaleso sikhatsi lamabutfo labesacitfwe ngu-Amasiya, awalela kutsi nawo ayilwe lemphi yabo, abese asuse lolukhulu lutfuli abhidlita emadolobha akaJuda kusukela eSamariya kuyewuma ngeBhethi Horoni. Lamabutfo abulala labati-3 000, abutsa imphango lenyenti ahamba nayo.

2 Tikhronike 25:15

Lulaka lwaSimakadze lwamvutsela Amasiya, Simakadze watfumela umphrofethi ku-Amasiya, wafike watsi: “Utifunelani letithico talabantfu letehluleke nekusindzisa bantfu bato esandleni sakho?”

Tihlabelelo 141:6

Mhlazana babusi babo bayawujikijelwa phansi emaweni, ngumzukwana bayawufundza kutsi emavi ami aliciniso.