2 Tikhronike 24:27 - Siswati 1996 Bible

²⁷ Umlandvo wemadvodzana aJowashi, netiphrofetho letinyenti ngaye, nemlandvo wekuvusa kwakhe kabusha lithempeli laNkulunkulu ubhaliwe enchasiselweni yetincwadzi temilandvo yemakhosi. Amasiya, umsa wakhe, waba yinkhosi esikhundleni sakhe.

2 Tikhronike 24:27 ပူးပေါင်းရင်းမြစ်များ

2 Emakhosi 12:18

Kodvwa Jowashi, inkhosi yakaJuda, yatsatsa tonkhe timphahla letingcwele letatinikelwe boyisemkhulu, Jehoshafati, naJehoramu, na-Ahaziya, emakhosi akaJuda; watsatsa nato tonkhe tipho letatinikelwe nguye cobo lwakhe, nayo yonkhe igolide leyatfolakala endlini yengcebo, ethempelini laSimakadze, nasesigodlweni senkhosi, watitfumela kuHazayeli, inkhosi yaseSiriya, lowase uyayiyekela iJerusalema, wangabe asayihlasela.

2 Emakhosi 12:21

Letindvuna letamsontsa bekuboJozabadi, umsa waShimeyathi, naJehozabadi, umsa waShomeri. Wafa, wafihlwa emadlizeni aboyisemkhulu eDolobheni laDavide. Amasiya, umsa wakhe, waba yinkhosi esikhundleni sakhe.

1 Tikhronike 3:12

kweta Amasiya, umsa wakhe, kweta Azariya, umsa wakhe, kweta Jothamu, umsa wakhe,

2 Tikhronike 13:22

Leminye imininingwane ngekubusa kwa-Abiya kanye naloko lakwenta nalabekukhuluma, kubhaliwe emlandvweni wemphrofethi Ido.

2 Tikhronike 16:11

Leminye imininingwane ngekubusa kwa-Asa, kusukela ekucaleni kuze kube ngusekugcineni, ibhaliwe encwadzini yemilandvo yemakhosi akaJuda newaka-Israyeli.

2 Tikhronike 20:34

Leminye imininingwane ngekubusa kwenkhosi Jehoshafati kusukela ekucaleni kuze kube ngusekugcineni, ibhaliwe encwadzini yemilandvo yaJehu, umsa waHanani, lapho kubhalwe khona imilandvo yemakhosi aka-Israyeli.

2 Tikhronike 24:12

Inkhosi kanye nemphristi Jehoyada bayinika lamadvodza labebhekene nalomsebenti wekwakha lithempeli laSimakadze. Bacasha lababeka ematje nebabati kutsi bavuse lithempeli laSimakadze, bacasha nalabakha ngetinsimbi nangelitfusi kutsi bavusetele lithempeli.

2 Tikhronike 24:26

Laba labenta loluzungu bekuboZabadi, umsa waShimeyathi, umfati wase-Amoni, naJehozabadi, umsa waShimrithi, umfati waseMowabi.

2 Tikhronike 25:1

Amasiya abeneminyaka lengema-25 budzala ngesikhatsi abekwa kuba yinkhosi. Wabusela eJerusalema iminyaka lengema-29. Libito lenina bekunguJehoyadini waseJerusalema.

2 Tikhronike 9:29

Leminye imininingwane ngekubusa kwaSolomoni, kusukela ekucaleni kuze kube ngusekugcineni, kubhaliwe encwadzini yemilandvo yaNathani, umphrofethi, nasesiphrofethweni sa-Ahiya waseShilo, nasemibonweni ya-Ido, umboniswa, mayelana naJerobowamu, umsa waNebati.