2 Tikhronike 24:24 - Siswati 1996 Bible

²⁴ Nome emaSiriya abete nemabutfo lambalwa kutawuhlasela, Simakadze wanikela etandleni tawo emabutfo lamanyenti. Loko wakwenta, ngobe Juda abesamlahlile Simakadze, Nkulunkulu waboyisemkhulu, sigwebo sehliselwa etikwaJowashi.

2 Tikhronike 24:24 ပူးပေါင်းရင်းမြစ်များ

Isaya 30:17

Inkhulungwane iyawubaleka icoshwe kwetfuswa ngumunye nje, ngekusonga kwalabasihlanu niyawubhedvuka nonkhe nibaleke, nize nisale seninjengesibhonga lesisiboniso lesisele esicongweni sentsaba, nanjengendvwangu lephakanyiswe egcumeni.”

2 Tikhronike 22:8

Watsi Jehu asematasatasa nekubhubhisa indlu yaka-Ahabi, watfola tiphatsimandla takaJuda nemadvodzana etihlobo ta-Ahaziya labenakekela Ahaziya, wefika Jehu wababulala bonkhe.

Dutheronomi 28:25

“Simakadze uyakunenta nehlulwe titsa tenu. Niyakuta kuto nitetihlasela ngendlela yinye, kodvwa niyawubaleka seninhlanhlatsela niphume ngetindlela letisikhombisa; niyawuba yintfo yekwesatjiswa emkhatsini wayo yonkhe imibuso emhlabeni.

Levithikusi 26:37

Bayawugilana bawe, lomunye etikwalomunye, kube shangatsi babalekela imphi, nome kungekho lobacoshako. Ngako-ke aniyikuba nawo emandla ekuma embikwetitsa tenu.

Levithikusi 26:25

Ngiyawuniletsela imphi itenijezisa ngekwephula kwenu sivumelwane. Niyawutsi nanihlangana emadolobheni enu etindzaweni tekuphepha, bese nginihlasela ngetifo letingelapheki, nivele niphoceleke kutinikela etitseni tenu.

Levithikusi 26:8

Labasihlanu benu bayawuba nemandla ekwehlula likhulu lato, nelikhulu lenu liyawuba nemandla ekwehlula titsa leti-10 000; yebo, titsa tenu niyawutehlula niticotfule ngenkemba.

Habakhuki 1:12

Awu, Simakadze, awusiye yini wena wasendvulo? Nkulunkulu wami, wena Longcwele wami, singeke sife. Awu, Simakadze, ubeke bona baseBhabhulona kutsi behlisele kitsi sijeziso. Awu, dvwala letfu, umise bona kutsi batewusishaya.

Jeremiya 37:10

Ngisho nome benitayeyisa yonkhe imphi yebaseBhabhulona lenihlaselako, kusale kuphela nje tinkhubela temadvodza lapha emathendeni awo, betitawuphuma titelishisa lelidolobha.”

Isaya 13:5

Baphuma emaveni lakhashane, lasekugcineni kwemazulu, nguye Simakadze netikhali telulaka lwakhe, utewubhubhisa wonkhe umhlaba.

2 Tikhronike 24:20

Ngako Moya waNkulunkulu wehlela kuZakhariya, umsa waJehoyada, umphristi. Wasukuma wema embikwesive watsi: “Naku lokushiwo nguNkulunkulu, utsi: ‘Aniyilaleli ngani imiyalo yaSimakadze? Ngeke niphumelele. Njengobe nimfulatsela Simakadze, naye sewunifulatsele.’ ”

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Dutheronomi 28:48

ngako-ke ekulambeni nasekomeni, ekudzikiteni nasebuphuyeni benu niyawukhonta titsa tenu Simakadze latitfumele kini. Uyakunetfwesa lijoko lensimbi etintsanyeni tenu, aze anibhubhise.

2 Emakhosi 12:17

Ngaleso sikhatsi Hazayeli, inkhosi yaseSiriya, yakhuphuka yayawuhlasela iGathi, yayitfumba; yesuka lapho yacondza eJerusalema, nayo yayihlasela.

2 Tikhronike 16:7

Ngaleso sikhatsi Hanani, umboniswa, weta ku-Asa, inkhosi yakaJuda, wakhuluma kuye watsi: “Njengobe wetsembele enkhosini yaseSiriya, esikhundleni sekwetsembela kuSimakadze Nkulunkulu wakho, umbutfo waseSiriya sewukushiyile wakubalekela.

2 Tikhronike 28:5

Ngako-ke Simakadze Nkulunkulu wakhe wamnikela esandleni senkhosi yaseSiriya. EmaSiriya amehlula, atfumba bantfu bakhe labanyenti, baba titfunjwa, eta nabo eDamaseko. Waphindze waniketwa etandleni tenkhosi yaka-Israyeli, leyamehlula kabuhlungu, kwafa bantfu labanyenti.

Zefaniya 1:2

“Ngiyawutsanyela ngisuse konkhe, ngikususe ebusweni bemhlaba,” kusho Simakadze.