2 Tikhronike 24:23 - Siswati 1996 Bible

²³ Kwatsi nase kungusentfwasahlobo emabutfo aseSiriya ashuca ayawuhlasela Jowashi, efika kulakaJuda naseJerusalema, abulala bonkhe baholi besive. Atfumela yonkhe lemphango enkhosini yawo eDamaseko.

2 Tikhronike 24:23 ပူးပေါင်းရင်းမြစ်များ

2 Samuweli 8:5

Atsi ayeta emaSiriya aseDamaseko, atsi atekwelekelela Hadadezeri, inkhosi yaseSobha, Davide wabulala aba ti-22 000 kuwo.

1 Emakhosi 20:22

Emvakwaloko, umphrofethi waphindze wabuyela enkhosini yaka-Israyeli, wafike watsi: “Cinisa emabutfo akho, ubone kutsi kufanele wenteni, ngobe kulentfwasahlobo letako inkhosi yaseSiriya itawuphindze ibuye itekuhlasela futsi.”

1 Emakhosi 20:26

Entfwasahlobo lelandzelako Bheni Hadadi wahlomisa emaSiriya enyuka aya e-Afeki kuyakulwa nema-Israyeli.

Dutheronomi 32:35

Kuphindzisela kwami; ngimi loyawutibuyiselela. Ngesikhatsi lesikahle lunyawo lwabo luyawushelela. Lilanga labo lekuhlupheka selisedvute, kubhujiswa kwabo kuyabahlasela.”