2 Tikhronike 24:22 - Siswati 1996 Bible

²² Inkhosi Jowashi ayizange iwukhumbule umusa leyayiwentelwe nguyise waZakhariya, labenguJehoyada, yesuka yabulala umsa wakhe. Zakhariya watsi nase alayela, asafa watsi: “Shangatsi Simakadze angasibona lesento senu anivuze ngaso.”

2 Tikhronike 24:22 ပူးပေါင်းရင်းမြစ်များ

Genesisi 42:22

Rubeni wakhuluma watsi: “Angitsi nganitjela kutsi ningamlimati lomfana. Kodvwa nangete nangilalela. Manje sekumele sitilandze ngaleyo ngati yakhe.”

Genesisi 9:5

Umuntfu lobulala lomunye umuntfu uyawujeziswa, nesilwane lesibulala umuntfu ngiyawusijezisa. Ngulowo nalowo uyawutilandza ngengati yalomunye.

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 109:4

Umusa wami bawubonga ngekungibeka licala, noko mine ngihlala ngikhuleka.

Tihlabelelo 9:13

Ngihawukele, Simakadze! Bona kuhlupheka kwami lengikubangelwe titsa tami. Nguwe longephula emasangweni ekufa,

Taga 17:13

Nangabe umuntfu achubeka kuphindzisela lokuhle ngalokubi, lokubi kungeke kuphindze kuphume endlini yakhe.

Jeremiya 11:20

Kodvwa, awu, Simakadze Somandla, wena lowehlulela ngekulunga, uvivinye inhlitiyo nengcondvo, ngicela kubona wena utikhiphela sibhongo kubo, ngobe mine ngitinikele kuwe ngatilahla ematsambo.

Jeremiya 51:56

Umbhubhisi uyawufika emelane neBhabhulona, emabutfo ayo ayawutfunjwa, nebutjoki bawo buyakwephulwa. Ngobe Simakadze unguNkulunkulu wemivuzo, uyawukhokhela ngalokuphelele.

Lukha 11:51

kusukela ekucitfweni kwengati ya-Abela kuze kufike ekucitfweni kwengati yaZakhariya, lowabulawa emkhatsini welilati nendzawo lengcwele. Yebo, ngiyanitjela, iyawubitwa kulesitukulwane.

Johane 10:32

Jesu wawaphendvula watsi: “Minyenti imisebenti lengiyente embikwenu lengiyinikwe nguBabe. Ngumuphi-ke lona lenifuna kungigcobela wona ngalamatje?”

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.

2 kuThimothi 4:16

Ekutiphendvuleleni kwami kwekucala kute ngisho namunye lowangimela, bonkhe bangilahla. Abangabekelwa sono!

Joshuwa 22:23

Nangabe sitakhele lilati letfu kutsi sitewuhlubuka Simakadze, bese sinikela ngeminikelo yekushiswa neyalokutinhlavu nome sente nemihlatjelo yekuthula kulo, shangatsi Simakadze matfupha angasibeka licala.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 19:2

ngobe tehlulelo takhe tiliciniso timsulwa. Sewuyehlulele lengwadla lenkhulu leyabhubhisa umhlaba wonkhe ngebugwadla bayo; wakhiphela kuyo sibhongo sengati yetinceku takhe.”

Tikhulu 8:35

Akazange entele umusa emndenini waJerubhali lekwakunguGideyoni, njengako konkhe lokuhle labekwentele wona.