2 Tikhronike 24:19 - Siswati 1996 Bible

¹⁹ Kwala nome Nkulunkulu asatfumela baphrofethi kulesive sakhe basiyala kutsi sibuyele kuye, nome babebacwayisa ngetindlela letehlukene, kodvwa abazange babalalele.

2 Tikhronike 24:19 ပူးပေါင်းရင်းမြစ်များ

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Nehemiya 9:30

Wababeketelela iminyaka leminyenti. Wabekhuta ngaMoya wakho ngekusebentisa baphrofethi bakho. Kodvwa noko abazange bakunake loko, ngako wabanikela esandleni setive letatibomakhelwane babo.

Isaya 28:23

Lalelani, nive livi lami; linakekeleni, nive kutsi ngitsini.

Isaya 42:23

Ngubani emkhatsini wenu lotawulalela loku akunakisise kulesikhatsi lesitako?

Isaya 51:4

“Lalelani kimi, bantfu bami, ngiveni, sive sami: Umtsetfo uyawuphuma kimi, umtsetfocotfo wami uyawuba kukhanya etiveni.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Jeremiya 25:3

Iminyaka lengema-23, kusukela emnyakeni weli-13 wekubusa kwaJosaya, umsa wa-Amoni, inkhosi yakaJuda, kuze kube ngulamuhla, livi laSimakadze belifika kimi, nami ngilikhulume kini emaphindzephindze, kodvwa anizange senilalele.

Jeremiya 25:7

Simakadze utsi: “Kodvwa anizange ningilalele, seningicunule ngaloko lokwentiwe tandla tenu, natiletsela kulinyatwa etikwenu.”

Jeremiya 25:8

Ngako-ke Simakadze Somandla utsi: “Njengobe ningakawalaleli emavi ami,

Jeremiya 26:5

futsi naningawalaleli emavi etinceku tami, baphrofethi, lengititfumele kini emaphindzephindze, nine solomane ningalaleli,

Zakhariya 1:4

Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.

Matewu 13:9

“Lonendlebe yekuva akeve!”

Lukha 16:31

Kodvwa Abrahama watsi: ‘Nabangalaleli boMosi nebaphrofethi nababeluleka, nome bekungavuka lomunye kulabafile, bangeke baneliswe!’ ”