2 Tikhronike 22:11 - Siswati 1996 Bible

¹¹ Kodvwa Jehosheba, indvodzakati yenkhosi Jehoramu, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala, ngobe Jehosheba, indvodzakati yenkhosi Jehoramu, lebengumfati wemphristi Jehoyada, abengudzadzewabo-Ahaziya. Wamfihla-ke lomntfwana ku-Athaliya kuze kutsi angambulali.

2 Tikhronike 22:11 ပူးပေါင်းရင်းမြစ်များ

2 Samuweli 7:13

Nguye-ke longuyena ayawungakhela indlu, ayakhele Libito lami, ngiyakumisa sihlalo sebukhosi bembuso wakhe phakadze naphakadze.

1 Emakhosi 15:4

Noko-ke ngenca yaDavide Simakadze Nkulunkulu wakhe wamnika sibane eJerusalema ngekutsi amvusele indvodzana leyayitamlandzela, icinise neJerusalema.

2 Emakhosi 11:2

Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 22:10

Athaliya, unabo-Ahaziya, watsi kube abone kutsi indvodzana yakhe seyifile, wachubeka wabulala bonkhe bantfwabenkhosi bakaJuda.

2 Tikhronike 22:12

Wahlala nabo abhaciswe ethempelini laNkulunkulu iminyaka lesitfupha ngesikhatsi kusabusa Athaliya eveni.

2 Tikhronike 23:1

Kwatsi ngemnyaka wesikhombisa Jehoyada waticinisa emandla, wenta sivumelwane netindvuna temakhulu: bo-Azariya, umsa waJerohamu, na-Ishmayeli, umsa waJehohanani, na-Azariya, umsa wa-Obedi, naMaseya, umsa wa-Adaya, na-Elishafati, umsa waZikhri.

Tihlabelelo 33:10

Simakadze ucitsa emacebo etive; ushabalalisa imicabango yebantfu.

Tihlabelelo 76:10

Ngempela lulaka lwebantfu lwengeta indvumiso yakho, labasindze elulakeni lwakho bayimvunulo yakho.

Eksodusi 8:3

Umfula iNayili utawugcwala tigogodvolo, tize tenyukele ngisho nasesigodlweni sakho, nasekamelweni lakho lekulala, nasembhedzeni wakho, nasetindlini tetiphatsimandla takho, nakutakhamiti takho, nakubohhavini bakho, nasetitjeni tenhlama.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 65:8

Naku lokushiwo nguSimakadze, utsi: “Njengobe kutfolakala luju lwemagelebisi esikhehleni semagelebisi, bantfu batsi: ‘Ungasibulali, kusekhona lokuhle kuso,’ ngitakwenta kanjalo nami ngenca yetinceku tami; ngingeke ngitibhubhise tonkhe.

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.