2 Tikhronike 21:20 - Siswati 1996 Bible

²⁰ Jehoramu abeneminyaka lengema-32, nakabekwa kuba yinkhosi, wabusela eJerusalema iminyaka lesiphohlongo, wase uyakhotsama, kwabate ngisho namunye loweva buhlungu ngaloko; wafihlwa eDolobheni laDavide, noko hhayi emadlizeni emakhosi.

2 Tikhronike 21:20 ပူးပေါင်းရင်းမြစ်များ

2 Emakhosi 8:24

Jehoramu wase uyakhotsama, wafihlwa emadlizeni aboyisemkhulu, eDolobheni laDavide. Ahaziya, umsa wakhe, waba yinkhosi esikhundleni sakhe.

2 Tikhronike 23:21

Sonkhe sive sajabula. Lidolobha laba nekuthula, ngobe phela Athaliya abesabulewe ngenkemba.

2 Tikhronike 24:16

Wangcwatjwa emadlizeni emakhosi eDolobheni laDavide ngenca yebuhle labebentile ka-Israyeli, abentela Nkulunkulu nelithempeli lakhe.

2 Tikhronike 24:25

Ngesikhatsi emaSiriya ancandzeka, ashiya Jowashi atingotingoti emanceba. Tindvuna takhe naye tamakhela luzungu, ngekutsi wabulala umsa waJehoyada, umphristi, nato tamenta silo sengubo, tambulalela embhedzeni wakhe. Wafa kanjalo-ke, wase ufihlwa eDolobheni laDavide, hhayi kodvwa emadlizeni alamanye emakhosi.

2 Tikhronike 26:23

Uziya wakhotsama, wafihlwa kuboyisemkhulu, eceleni kwendzawo yekufihla emakhosi, ngobe phela bantfu bakhuluma batsi: “Abenesifo lesisabulephelo.” Jothamu, umsa wakhe, waba yinkhosi esikhundleni sakhe.

2 Tikhronike 28:26

Leminye imininingwane ngekubusa kwa-Ahazi nato tonkhe tindlela takhe, kusukela ekucaleni kuye ekugcineni, kubhaliwe encwadzini yemilandvo yemakhosi akaJuda newaka-Israyeli.

2 Tikhronike 28:27

Ahazi wase uyakhotsama, wafihlwa edolobheni laseJerusalema, kodvwa akazange afihlwe emadlizeni emakhosi aka-Israyeli. Hezekiya, umsa wakhe, waba yinkhosi esikhundleni sakhe.

2 Tikhronike 33:20

Manase wase uyakhotsama, wafihlwa esigodlweni sakhe. Amoni, umsa wakhe, wase uba yinkhosi esikhundleni sakhe.

Taga 10:7

Kukhunjulwa kwemuntfu lolungile kuyawuba sibusiso; kodvwa libito lalomubi liyawubhubha.

Jeremiya 22:18

Ngako-ke naku lokushiwo nguSimakadze ngaJehoyakimu, umsa waJosaya, inkhosi yakaJuda, utsi: “Bangeke bamlilele, batsi: ‘Awu, mnaketfu! Awu, dzadzewetfu!’ Bangeke bamlilele, batsi: ‘Awu, nkhosi yami! Awu, buhle bakhe!’

Jeremiya 22:28

Lendvodza lenguJehoyakhini iyedzeleleka yini, ilibhodo lelephukile yini, nome iyintfo lengafunwa ngumuntfu yini? Pho, yena nebantfwabakhe batawukhukhulelwani bakhishwe, bese balahlelwa eveni labangalati?