2 Tikhronike 21:17 - Siswati 1996 Bible

¹⁷ Bahlasela lakaJuda balingenela, batfumba tonkhe timphahla labatikhandza esigodlweni senkhosi, batfumba nemadvodzana ayo nebafati bayo, akuzange kusale ngisho nayinye indvodzana kuyo ngaphandle kwa-Ahaziya labengutfunjana aluswane.

2 Tikhronike 21:17 ပူးပေါင်းရင်းမြစ်များ

2 Emakhosi 10:13

wahlangana naletinye tihlobo ta-Ahaziya, inkhosi yakaJuda, watibuta watsi: “Nibobani nine?” Tamphendvula tatsi: “Sitihlobo ta-Ahaziya, sesehlele kutawubingelela imindeni yenkhosi neyendlovukazi.”

2 Tikhronike 22:1

Bantfu baseJerusalema babeka Ahaziya, litfunjana laJehoramu, waba yinkhosi esikhundleni seyise, njengobe phela bahlaseli lababehamba nema-Arabu, bangena enkambu babulala bonkhe bomnakabo labadzala. Ngako Ahaziya, umsa waJehoramu, inkhosi yakaJuda, wacala kubusa.

2 Tikhronike 22:6

ngako wancandzeka wabuyela eJezreyeli kuze ayewuphotisela khona emanceba lawatfola emphini yaseRamothi, lapho bebalwela khona naHazayeli, inkhosi yemaSiriya. Ahaziya-ke, umsa waJehoramu, inkhosi yakaJuda, wase uyehla waya eJezreyeli ayawuvusela Joramu, umsa wa-Ahabi, njengobe abegwaziwe anemanceba.

2 Tikhronike 24:7

Emadvodzana alesihlangananhloko semfati lesasingu-Athaliya abegcekeze ethempelini laSimakadze, aze asebentisa ngisho naletimphahla talo letingcwele ekukhonteni boBhali.

2 Tikhronike 25:23

Jehoyashi, inkhosi yaka-Israyeli, wabamba Amasiya, inkhosi yakaJuda, umsa waJowashi, labetalwa ngu-Ahaziya, wamtfumba eBhethi Shemeshi. Jehoyashi wase umyisa eJerusalema, wafike wadzilita lubondza lolwalutungelete iJerusalema kusukela eSangweni laka-Efrayimu kuze kuyewufika eSangweni Lelikona, indzawo leyayingemamitha labengaba li-180 budze.

Joweli 3:5

Ngobe nitsetse isiliva yami negolide yami nakwetfwala konkhe lokungemagugu nemcebo wami lomkhulu nayawukufaka emathempelini enu.

Amose 1:6

Naku lokushiwo nguSimakadze, utsi: “Bantfu baseGaza bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu.