2 Tikhronike 21:14 - Siswati 1996 Bible

¹⁴ Manje-ke Simakadze sewutabahlasela labantfu bakakho, emadvodzana akho, nebafati bakho, nako konkhe nje lokubitwa ngelibito lakho, utakushaya, akwehlisele lenkhulu inhlekelele.

2 Tikhronike 21:14 ပူးပေါင်းရင်းမြစ်များ

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

2 Tikhronike 21:13

Kodvwa usuke wahamba ngetindlela temakhosi aka-Israyeli, uholele sive semaJuda nesaseJerusalema ekutseni siphinge ngekukhonta tithico, njengobe kwenta bendlu yaka-Ahabi. Futsi ujabhalate bomnakenu, bantfu bengati yeyihlo, emadvodza labencono kakhulu kunawe.

2 Tikhronike 21:15

Kwawena nje cobo lwakho utawugulela kufa, uphatfwe sifo lesingelapheki sekuphuma kancane kancane kwematfumbu lasanetilondza.’ ”

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Levithikusi 26:21

“ ‘Nanichubeka kumelana nami nale nekungilalela, lokuhlupheka kwenu ngiyawukuphindza kasikhombisa kuye ngaleto tono lenitentile.

Mikha 6:16

Loko kuyakwenteka, ngobe nilandzele imikhuba lemibi yenkhosi Omri nendvodzana yakhe Ahabi. Nichubeke nalandzela imitsetfo yabo, ngaloko-ke ngiyawunibhubhisa; bonkhe bantfu bayawunibukela phansi. Bantfu yonkhe indzawo bayawunedzelela ngendzelelo.”