2 Tikhronike 21:13 - Siswati 1996 Bible

¹³ Kodvwa usuke wahamba ngetindlela temakhosi aka-Israyeli, uholele sive semaJuda nesaseJerusalema ekutseni siphinge ngekukhonta tithico, njengobe kwenta bendlu yaka-Ahabi. Futsi ujabhalate bomnakenu, bantfu bengati yeyihlo, emadvodza labencono kakhulu kunawe.

2 Tikhronike 21:13 ပူးပေါင်းရင်းမြစ်များ

1 Emakhosi 16:25

Kodvwa Omri wenta lokubi emehlweni aSimakadze, wona kwendlula bonkhe labebangembili kwakhe.

2 Emakhosi 9:22

Watsi Joramu kube abone Jehu, wambuta watsi: “Ute ngekuthula yini, Jehu?” Jehu waphendvula watsi: “Kuthula kungaba khona kanjani, nangabe solomane kusekhona tithico nebutsakatsi benyoko Jezebeli?”

2 Tikhronike 21:11

Abesakhe netindzawo letiphakeme etintsabeni takaJuda, wabangela bantfu baseJerusalema kutsi baphinge ngekukhonta tithico, wedukisa sive sakaJuda.

2 Tikhronike 21:14

Manje-ke Simakadze sewutabahlasela labantfu bakakho, emadvodzana akho, nebafati bakho, nako konkhe nje lokubitwa ngelibito lakho, utakushaya, akwehlisele lenkhulu inhlekelele.

2 Tikhronike 21:4

Kwatsi ngesikhatsi Jehoramu atinta kahle esihlalweni sebukhosi seyise, wabulala bonkhe bomnakabo ngenkemba kanye naletinye tikhulu taka-Israyeli.

2 Tikhronike 21:6

Wahamba etinyatselweni temakhosi aka-Israyeli, njengobe kwakwenta bendlu yaka-Ahabi, yena-ke washada nendvodzakati ya-Ahabi. Wenta lokubi emehlweni aSimakadze.

2 Tikhronike 24:18

Balishiya lithempeli laSimakadze, Nkulunkulu waboyisemkhulu, bakhonta tinsika tabo-Ashera netithico. Ngenca yalelo cala labo lulaka lwaNkulunkulu lwehlela etikwaJuda nasetikweJerusalema.

Eksodusi 34:15

Ningenti ngisho nesivumelwane nalabantfu balelo live, ngobe nabagwadla ngekukhonta letithico tabo, banikele umhlatjelo kuto, batanimema bese nidla leminikelo yemihlatjelo yabo.

Isaya 26:21

Bukani, Simakadze uphumela ngephandle kwendzawo yakhe yekuhlala, utewujezisa tive temhlaba ngenca yetono tato. Umhlaba utawuveta ebaleni yonkhe ingati leyacitsekela kuwo, lababulewe kuwo ungeke usabafihla.

Habakhuki 2:12

“Maye kulowo lowakha lidolobha ngekucitsa ingati, emise lidolobha ngebugebengu!

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.