2 Tikhronike 20:34 - Siswati 1996 Bible

³⁴ Leminye imininingwane ngekubusa kwenkhosi Jehoshafati kusukela ekucaleni kuze kube ngusekugcineni, ibhaliwe encwadzini yemilandvo yaJehu, umsa waHanani, lapho kubhalwe khona imilandvo yemakhosi aka-Israyeli.

2 Tikhronike 20:34 ပူးပေါင်းရင်းမြစ်များ

1 Emakhosi 14:19

Leminye imininingwane ngekubusa kwaJerobowamu netimphi takhe, nekutsi wabusa njani, kubhaliwe encwadzini yemilandvo yemakhosi aka-Israyeli.

1 Emakhosi 16:1

Kwase kufika livi laSimakadze kuJehu, umsa waHanani, lemelana naBhasha,

1 Emakhosi 16:12

Zimri wabhubhisa yonkhe indlu yakaBhasha, njengekwelivi laSimakadze lelemelana naBhasha lalikhuluma ngemphrofethi Jehu,

1 Emakhosi 16:7

Kwefika livi laSimakadze ngemphrofethi Jehu, umsa waHanani, kuBhasha nakuyo yonkhe indlu yakhe ngenca yabo bonkhe bubi labekabentile emehlweni aSimakadze, amcunula kuze atfukutseliswe tintfo latenta, waba njengendlu yakaJerobowamu layibhubhisa.

1 Emakhosi 22:45

Leminye imininingwane ngekubusa kwenkhosi Jehoshafati, tintfo latiphumelelisa, nekuhlasela kwemabutfo akhe, kubhaliwe encwadzini yemilandvo yemakhosi akaJuda.

2 Tikhronike 12:15

Imininingwane ngekubusa kwaRehobowamu, kusukela ekucaleni kuze kube ngusekugcineni, ibhaliwe emilandvweni yaShemaya, umphrofethi, na-Ido, umboniswa, lapho kubhalwe khona tonkhe titukulwane ngekulandzelana kwato. Kwaba nekulwa lokwakungapheli emkhatsini waRehobowamu naJerobowamu.

2 Tikhronike 13:22

Leminye imininingwane ngekubusa kwa-Abiya kanye naloko lakwenta nalabekukhuluma, kubhaliwe emlandvweni wemphrofethi Ido.

2 Tikhronike 16:11

Leminye imininingwane ngekubusa kwa-Asa, kusukela ekucaleni kuze kube ngusekugcineni, ibhaliwe encwadzini yemilandvo yemakhosi akaJuda newaka-Israyeli.

2 Tikhronike 16:7

Ngaleso sikhatsi Hanani, umboniswa, weta ku-Asa, inkhosi yakaJuda, wakhuluma kuye watsi: “Njengobe wetsembele enkhosini yaseSiriya, esikhundleni sekwetsembela kuSimakadze Nkulunkulu wakho, umbutfo waseSiriya sewukushiyile wakubalekela.

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

2 Tikhronike 25:26

Leminye imininingwane ngekubusa kwa-Amasiya kusukela ekucaleni kuye ekugcineni, ibhaliwe encwadzini yemilandvo yemakhosi akaJuda newaka-Israyeli.