2 Tikhronike 20:24 - Siswati 1996 Bible

²⁴ Emadvodza akaJuda atsi kube efike endzaweni leyayengamele lelihlane, nabuka lamabutfo labeyimphi lenkhulu, akhangwa tidvumbu tilucaca phansi; kute namunye labephunyulile.

2 Tikhronike 20:24 ပူးပေါင်းရင်းမြစ်များ

2 Emakhosi 19:35

Ngalobo busuku ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

1 Tikhronike 5:22

Linyenti labulawa, ngobe lemphi beyiyaNkulunkulu. Lelo live balidla, bahlala kulo kwaze kwaba sikhatsi sekudzingiswa kwabo.

2 Tikhronike 20:23

Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Ezra 9:14

Sitawuphindze futsi siyephule yini lemiyalo yakho ngekwendziselana naletive letenta tintfo letinengekako? Ungeke yini usitfukutselele kusibhubhisa, kubete ngisho nensali nome losindzako?

Tihlabelelo 110:6

Uyakwehlulela tive, kuyawulala lucaca lwetidvumbu, aphihlite onkhe emakhosi emhlaba.

Eksodusi 14:28

Emanti abuya ambonya tincola temphi, nebagibeli bemahhashi, nawo onkhe emabutfo aFaro labecosha ema-Israyeli. Kute nome munye lowasindza.

Eksodusi 14:30

Kungalelo langa-ke lapho Simakadze asindzisa ema-Israyeli esandleni semaGibhithe. Ema-Israyeli abona tidvumbu temaGibhithe elugwini lwelwandle.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Jeremiya 33:5

nabalwa nemaBhabhulona, utsi: ‘Tiyawugcwala tidvumbu temadvodza lengitawabulala ngentfukutselo nangelulaka lwami. Ngiyawulifihlela buso bami elidolobha ngenca yabo bonkhe bubi balo.