2 Tikhronike 20:23 - Siswati 1996 Bible

²³ Emadvodza aka-Amoni newakaMowabi atselekela lawa aseNtsabeni iSeyiri kutsi atekuwabulala awacedze nya. Atsi kube acedze kubulala lawa aseSeyiri, ajika abulalana odvwa.

2 Tikhronike 20:23 ပူးပေါင်းရင်းမြစ်များ

Genesisi 14:6

nemaHori entsabeni yawo iSeyiri, kwadzimate kwaba ngu-Eli Pharani ngasehlane.

2 Tikhronike 20:24

Emadvodza akaJuda atsi kube efike endzaweni leyayengamele lelihlane, nabuka lamabutfo labeyimphi lenkhulu, akhangwa tidvumbu tilucaca phansi; kute namunye labephunyulile.

2 Tikhronike 21:8

Ngesikhatsi saJehoramu baka-Edomu bavukela bakaJuda, base batibekela yabo inkhosi.

Isaya 19:2

“Ngitawuchukuluta umGibhithe avukele umGibhithe, umnakabo uyakulwa nemnakabo, makhelwane acabane namakhelwane, lidolobha lihlasele lidolobha, umbuso uvukele umbuso.

Hezekeli 38:21

Ngiyawumbitela inkemba Gogi, imelane naye kuto tonkhe tintsaba tami. Inkemba yalowo nalowo muntfu iyawumelana nemnakabo, kusho iNkhosi Simakadze.

Hagayi 2:22

Ngitawuketula tihlalo tebukhosi ngibhidlite emandla emibuso yebetive. Ngitawuketula tincola temphi kanye nebashayeli bato, emahhashi kanye nebagibeli bawo bayawuwela phansi, ngulowo ngenkemba yemnakabo.

Dutheronomi 2:5

Ningabachukuluti kutsi baze balwe nani, ngobe ngingeke ngininike, ngisho nalokuncane kwalelive labo, ngisho nekwekubeka lunyawo lwenu imbala. Ngilinike Esawu lelive letintsaba iSeyiri, kutsi libe lakhe.

Joshuwa 24:4

Isaka ngamupha Jakobe na-Esawu. Lelive letintsaba, iSeyiri, ngalabela Esawu, kodvwa Jakobe kanye nemadvodzana akhe bewuka baya eGibhithe.

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

1 Samuweli 14:20

Sawula nawo onkhe emadvodza akhe bahlangana, baviva, baya emphini. Bakhandza emaFilisti asasangene, agwazana odvwana ngetikhali tawo.