2 Tikhronike 19:6 - Siswati 1996 Bible

⁶ wabayala watsi: “Lenikwentako nibokucabangisisa, ngobe lomsebenti wekwehlulela leniwentako aniwenteli umuntfu kodvwa nentela Simakadze, lonani ngaso sonkhe sikhatsi nanikhipha sigwebo.

2 Tikhronike 19:6 ပူးပေါင်းရင်းမြစ်များ

Dutheronomi 1:17

Ningacali nehlulele ngekukhetsa; lalelani lomkhulu nalomncane ngalokufananako. Ningesabi muntfu, ngobe kwehlulela kwaNkulunkulu. Licala lelilukhuni kini niboliletsa lapha kimi, ngitekuliva.’

Levithikusi 19:15

“ ‘Ungehluleli ngekukhetsa, ngekulahla lomphofu ngelicala uvune lomkhulu, kodvwa mehlulele ngekulunga makhelwane wakho.

Lukha 12:15

Watsi kubo: “Caphelani, nikubalekele konkhe kufisa lokubi; ngobe imphilo yemuntfu ayinconotiswa bunjinga bakhe.”

Umshumayeli 5:8

Nawubona lophuyile acindzetelwe endzaweni letsite, asemukwe emalungelo akhe nekwehlulelwa ngebucotfo, kungakumangalisi loko. Lowo nalowo lophetse unemuntfu longetulu kwakhe, kantsi nalowo longetulu kwakhe unemuntfu longetulu kwabo bonkhe.

1 Tikhronike 28:10

Cabangisisa-ke manje, ngobe Simakadze ukhetse wena kutsi umakhele lithempeli libe yindzawo lengcwele. Cina, uwente lowo msebenti.”

Joshuwa 22:5

Kodvwa nibocaphelisisa kutsi niyayigcina imiyalo nemtsetfo Mosi, inceku yaSimakadze, laninika yona: kutsandza Simakadze Nkulunkulu wenu, nekuhamba kuto tonkhe tindlela takhe, nekulalela imiyalo yakhe, nekunamatsela kuye, kanye nekumkhonta ngenhlitiyo yenu yonkhe nangemphefumulo wenu wonkhe.”

Imisebenti yebaPhostoli 22:26

Indvuna yelibutfo yatsi kube ikuve loko, yahamba yaya kukhenela yabuta yatsi: “Utawutsini-ke nyalo, ngobe lendvodza ingumRoma?”

Imisebenti yebaPhostoli 5:35

Wase ukhuluma kuleLiqoqo utsi: “Madvodza aka-Israyeli, caphelisisani ngaloko lenifuna kukwenta kulamadvodza.

Lukha 21:8

Jesu watsi: “Caphelani, ningedukiswa. Kuyawufika bantfu labanyenti egameni lami, batsi: ‘Nginguye!’ batsi: ‘Sikhatsi sesifikile!’ Kodvwa ningabalandzeli!