2 Tikhronike 19:11 - Siswati 1996 Bible

¹¹ “Amariya, umPhristi Lomkhulu, nguye lotanengamela nonkhe kunome yini lephatselene naSimakadze, bese kutsi Zebadiya, umsa wa-Ishmayeli, umholi wesive sakaJuda, anengamele kunome yini lemacondzana nenkhosi. EmaLevi wona umsebenti wawo kutakuba kubukisisa kufezeka kwetincumo tonkhe. Banini nesibindzi, shangatsi naSimakadze angaba nalabo labenta lokuhle.”

2 Tikhronike 19:11 ပူးပေါင်းရင်းမြစ်များ

2 Tikhronike 19:8

Ngisho naseJerusalema Jehoshafati wabeka lamanye emaLevi, nebaphristi kanye nebaholi bemindeni yaka-Israyeli kutsi basebentise umtsetfo waSimakadze nekutsi balamule imibango yalababehlala khona eJerusalema.

2 kuThimothi 2:1

Wena-ke, mntfwanami, cina emseni lokuKhristu Jesu.

1 kubaseKorinthe 16:13

Lindzani nisime ekukholweni, nibe ngemadvodza, nicine.

Imisebenti yebaPhostoli 11:24

Bhanabasi abengumuntfu lolungile agcwele Moya Longcwele nekukholwa. Bantfu labanyenti bengetekela eNkhosini.

Lukha 23:50

Kwakukhona indvodza leyayinguJosefa ngekutalwa awase-Arimathiya, lidolobha lemaJuda. Abelilunga leLiqoqo, alungile, atsembekile, alindzele kufika kwembuso waNkulunkulu. Nome abelilunga lalelo Liqoqo kodvwa akazange avumelane nesincumo nekwenta kwabo,

Malakhi 2:7

“Ngobe tindzebe temlomo wemphristi kufanele tilondvolote lwati, emlonyeni wakhe kufanele bantfu bafune sifundziso semtsetfo wami, ngobe phela yena usitfunywa saSimakadze longuSomandla.

Umshumayeli 2:26

Nkulunkulu uphana ngekuhlakanipha, nangelwati kanye nangenjabulo kumuntfu lotfokotisa yena, kodvwa soni usinika umshikashika wekubutsisa nekucongelela bunjinga, kuze kunikwe lowo lotfokotisa Nkulunkulu. Nako loko kulite, kufanana nekucosha umoya.

Taga 2:20

Ngako kufanele utsatse sibonelo kubantfu labalungile; uhambe etindleleni tekulunga.

Tihlabelelo 112:5

Ubusisiwe umuntfu lowephanako, ebolekise ngesihle, lowenta tonkhe tintfo ngekwetsembeka.

Tihlabelelo 37:23

Tinyatselo temuntfu ticondziswa nguSimakadze. Simakadze uyaticinisa tinyatselo temuntfu lomjabulisako.

2 Tikhronike 19:6

wabayala watsi: “Lenikwentako nibokucabangisisa, ngobe lomsebenti wekwehlulela leniwentako aniwenteli umuntfu kodvwa nentela Simakadze, lonani ngaso sonkhe sikhatsi nanikhipha sigwebo.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

1 Tikhronike 28:20

Davide waphindze wakhuluma kuSolomoni, indvodzana yakhe, watsi: “Cina, ube nesibindzi, wente lomsebenti. Ungesabi, futsi ungapheli emandla, ngobe Simakadze Nkulunkulu, longuNkulunkulu wami, unawe. Angeke akujabhise, futsi angeke akulahle, kuze kuphele wonkhe umsebenti wekukhonta ethempelini laSimakadze.

1 Tikhronike 26:30

Etitukulwaneni tebakaHebroni: boHashabiya kanye netihlobo takhe letatingemadvodza layi-1 700 lanelikhono, bona babekwa kutsi baphatse ema-Israyeli langasenshonalanga neJordane etinkonzweni taSimakadze nasemsebentini wenkhosi.

1 Tikhronike 22:19

Manje-ke nikelani tinhlitiyo tenu nemiphefumulo yenu ekufuneni Simakadze Nkulunkulu wenu. Calani nyalo nakhe indzawo lengcwele yaSimakadze Nkulunkulu, lapho nitawuletsa khona libhokisi lesivumelwane saSimakadze nato tonkhe tintfo letingcwele letitaNkulunkulu, nitifake tonkhe kulelithempeli lenitabe senilakhile nalakhela Libito laSimakadze.”

1 Tikhronike 22:16

yegolide, neyesiliva, neyelitfusi, neyensimbi, kube nebabati longeke ubabale. Manje-ke sale uwucala lomsebenti, Simakadze akabe nawe.”

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

1 Tikhronike 6:11

Azariya abenguyise wa-Amariya, Amariya anguyise wa-Ahitubi.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 1:6

“Cina, ube nesibindzi, ngobe utawuhola lesive kutsi siyekudla lelive lengaletsembisa boyisemkhulu ngesifungo kutsi ngitabapha lona libe lifa labo.

1 Tikhronike 26:32

Jeriya abenetihlobo letatiti-2 700, lekwakungemadvodza labenelikhono abaholi bemindeni, Davide wababeka kutsi baphatse bakaRubeni nebakaGadi kanye nencenye yesive sakaManase, kuyo yonkhe intfo nome indzaba yaNkulunkulu nome nguloko lokwakucondzene nenkhosi.

2 Tikhronike 15:7

Kodvwa nine cinani, ningalilahli litsemba, ngobe umsebenti wenu utakuba nemvuzo.”

Ezra 7:5

umsa wa-Abishuwa, umsa waFinehasi, umsa wa-Eleyazare, umsa wa-Aroni, umPhristi Lomkhulu,

Jeremiya 6:16

Naku lokushiwo nguSimakadze, utsi: “Manini emahlanganweni etindlela, nibuke, butani tindlela takadzeni, butani kutsi nguyiphi indlela lelungile, bese nihamba ngayo, niyawutfola kuphumula kwemiphefumulo yenu. Kodvwa nine natsi: ‘Singeke sihambe ngayo.’