2 Tikhronike 19:10 - Siswati 1996 Bible

¹⁰ Kulelo nalelo cala leliletfwe kini liphuma kusakhamuti salamadolobha, nome ngabe lekucitsa ingati nome ngabe lekwephula umtsetfo, nemiyalo kanye netimiso, kufanele nibeluleke kutsi bangoni kuSimakadze; ngaphandle kwaloko intfukutselo yaSimakadze itakwehlela kini nakubomnakenu. Nibokwenta loko, khona ningetikona.

2 Tikhronike 19:10 ပူးပေါင်းရင်းမြစ်များ

2 Tikhronike 19:2

Jehu, umboniswa, umsa waHanani, waphuma wafike wakhuluma enkhosini, watsi: “Wena ukubona kulungile yini kutsi usite lababi nekutsi utsandze labo labatondza Simakadze? Ngenca yaleso sento sakho intfukutselo yaSimakadze isetikwakho.

2 Tikhronike 19:9

Wabanika umyalo watsi: “Lomsebenti wenu kufanele niwente ngekwesaba Simakadze, konkhe lenikwentako nikwente ngekwetsembeka nangenhlitiyo yenu yonkhe.

Eksodusi 18:16

Nangabe kukhona labacabene ngako, bantfu beta kimi, bese-ke mine ngiyabalamula; ngibatjele imitsetfo nemiyalo yaNkulunkulu.”

Hezekeli 3:17

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhulumako, ubanike secwayiso lesiphuma kimi.

Hezekeli 33:6

Kodvwa nangabe lomlindzi abona inkemba ita, angayishayi impalampala kwecwayisa bantfu, bese kuta inkemba idle munye wabo, lowo muntfu uyawususwa ngenca yesono sakhe, kodvwa ingati yalowo muntfu ngiyawuyibita kulowo mlindzi.’

Numeri 16:46

Mosi wakhuluma ku-Aroni, watsi: “Tsatsa sitja sakho semphepho ufake kuso emalahle lavutsako aselatini, bese ufaka imphepho, uphutfume kulesive masinyane usentele inhlawulo yekubuyisana naSimakadze, ngobe lulaka lwakhe seluphumile, sifo sesiphindze sicalele phansi.”

Numeri 17:11

Mosi wenta njengobe abeyalwe nguSimakadze.

Imisebenti yebaPhostoli 20:31

Ngako-ke caphelani nikhumbule kutsi ngetinyembeti letinyenti imini nebusuku benginifundzisa ngamunye ngamunye, kwaze kwaphela iminyaka lemitsatfu.

Dutheronomi 21:5

Baphristi-ke, emadvodzana aLevi, bayawusondzela ngembili, ngobe Simakadze Nkulunkulu wenu ubakhetsile kutsi bakhonte baphindze baphumisele tibusiso egameni laSimakadze, bakhiphe netincumo tawo onkhe emacala embango kanye newekuhlaselana.

1 kubaseThesalonika 5:14

Bazalwane, siyanikhutsata kutsi necwayise emavila, nibanike sibindzi labaphelelwa ngemandla emoyeni, ninakekele lababutsakatsaka, babeketeleleni bonkhe.