2 Tikhronike 18:5 - Siswati 1996 Bible

⁵ Ngako inkhosi yaka-Israyeli yase ibutsela ndzawonye baphrofethi lababengaba ngema-400, emadvodza odvwa, yababuta yatsi: “Singaya yini kuyawuhlasela iRamothi Gileyadi, nome ngiyekele?” Baphendvula batsi: “Hamba, ngobe Simakadze utayinikela etandleni tenkhosi.”

2 Tikhronike 18:5 ပူးပေါင်းရင်းမြစ်များ

1 Emakhosi 12:9

Wababuta watsi: “Nine-ke sitsini senu seluleko? Singabaphendvula sitsini labantfu labatsi kimi: ‘Cekisa lelijoko lesaletfweswa nguyihlo’?”

1 Emakhosi 18:19

Bita sonkhe sive eveni lonkhe laka-Israyeli kuyewuhlanganelwa eNtsabeni iKhameli. Letsa labaphrofethi baBhali labangema-450 kanye nebaphrofethi ba-Ashera labangema-400, labadla naJezebeli etafuleni lakhe.”

1 Emakhosi 4:13

Bheni Geberi abesikhulu saseRamothi Gileyadi: Imithi yakaJayire, umsa waManase, eGileyadi, beyiyakhe kanye nesifundza sase-Agobu, eBhashani, kanye nemadolobha aso labengema-60 labiyelwe ngetibondza letinemasango lavalwa ngemishudvo yelitfusi.

2 Emakhosi 3:13

Elisha wakhuluma enkhosini yaka-Israyeli, watsi: “Sihlangene ngani nje tsine nawe? Hamba uye kubaphrofethi beyihlo nakubaphrofethi benyoko uyewubuta kubo.” Inkhosi yaka-Israyeli yaphendvula, yatsi: “Cha, kungobe nguSimakadze lobitele tsine, makhosi lamatsatfu, ndzawonye, kuze asinikele esandleni saMowabi.”

2 Tikhronike 18:14

Watsi kube efike, inkhosi yambuta yatsi: “Mikhaya, singaya yini kuyawuhlasela iRamothi Gileyadi, nome ngiyekele?” Mikhaya waphendvula watsi: “Hlasela uncobe, ngobe Simakadze utayinikela esandleni sakho.”

2 Tikhronike 18:4

Kodvwa Jehoshafati wachubeka wakhuluma enkhosini yaka-Israyeli, watsi: “Cala kucala ufune seluleko saSimakadze.”

2 Tikhronike 18:6

Kodvwa Jehoshafati wabuta watsi: “Sekute yini lomunye umphrofethi waSimakadze lapha lesingabuta kuye?”

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Jeremiya 23:17

Bachubeka bakhulume kulabangedzelelako batsi: ‘Simakadze utsi: Nitawuba nekuthula.’ Kubo bonkhe labalandzela inkhani yetinhlitiyo tabo, batsi: ‘Kute lokubi lokutanehlela.’

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Hezekeli 13:22

Njengobe nibajabhisile labalungile ngalamanga enu, ngibe mine ngingakabadzabukisi, nangenca yekutsi nikhutsate lababi kutsi bangaphendvuki etindleleni tabo letimbi kuze basindzise timphilo tabo,

Mikha 2:11

Lesive sifuna luhlobo lwebaphrofethi labaphrofetha emanga nenkhohliso, batsi: ‘Ngiphrofetha kutsi liwayini netjwala kuyawuba ngimifula yenu yekunatsa.’

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

2 kuThimothi 4:3

Ngobe siyeta sikhatsi lapho bangeyiwuyemukela imfundziso lephilile; kodvwa ngekwenkhanuko yabo bayawutibutsela bafundzisi babo, bafundziswe loko labatsandza kufundziswa kona.

Sembulo 19:20

Kodvwa lesilo satfunjwa, kanye nemphrofethi wemanga labenta tibonakaliso tekudukisa labo labaneluphawu lwesilo nalabasikhonta ngekukhotsamela lomfanekiso waso. Bobabili bajikijelwa baphila echibini lemlilo lelivutsa sibabule.