2 Tikhronike 18:30 - Siswati 1996 Bible

³⁰ Inkhosi yaseSiriya beyiyale tindvuna tayo tetincola temphi, yatsi: “Nine ningalwi namuntfu lomunye, nome mncane nome mkhulu, nicondzane kuphela nenkhosi yaka-Israyeli.”

2 Tikhronike 18:30 ပူးပေါင်းရင်းမြစ်များ

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

1 Emakhosi 20:42

Wakhuluma enkhosini watsi: “Naku-ke lokushiwo nguSimakadze: ‘Sewukhulule lomuntfu bengitsite akafe, ngako loko utakukhokha ngemphilo yakho, nesive sakho sitawubhujiswa ngenca yekuyekela lamabutfo akakhe.’ ”

1 Emakhosi 22:31

Inkhosi yaseSiriya beyiyale tindvuna tayo tetincola temphi letingema-32, yatsi: “Nine ningalwi namuntfu lomunye, nome mncane nome mkhulu, nicondzane kuphela nenkhosi yaka-Israyeli Ahabi.”

2 Tikhronike 15:13

Bonkhe labo bebangafuni kufuna Simakadze, Nkulunkulu wema-Israyeli, bebatakubulawa, labancane nalabakhulu, emadvodza nebafati.

2 Tikhronike 18:29

Ahabi wakhuluma kuJehoshafati, watsi: “Mine ngitawungena emkhatsini wemabutfo ngiphice umkhondvo, kodvwa wena ungatigcoka tingubo takho tebukhosi.” Ngako Ahabi, inkhosi yaka-Israyeli, wase uphica umkhondvo wangena emkhatsini wemabutfo agcoke letinye tingubo.

2 Tikhronike 18:31

Letindvuna tetincola temphi tatsi natibona Jehoshafati, tacabanga tatsi: “Ngiyo inkhosi yaka-Israyeli.” Ngako tagucukela kuye tiyakumhlasela, kodvwa watsi Jehoshafati nakakhala amemeta, Simakadze wamsita. Nkulunkulu wabakhweshisa kuye,

Dutheronomi 1:17

Ningacali nehlulele ngekukhetsa; lalelani lomkhulu nalomncane ngalokufananako. Ningesabi muntfu, ngobe kwehlulela kwaNkulunkulu. Licala lelilukhuni kini niboliletsa lapha kimi, ngitekuliva.’